អ្នកលក់អនឡាញចិន ប៉ុន្មានរូបនេះ រកលុយបានច្រើនប្រហែលតារាហូលីវូដល្បីៗក្នុងមួយឆ្នាំ

ចិន៖ កាលពីថ្មីនេះ ប្រភពព័ត៌មានពី South China Morning បានប្រកាសអំពីកំពូលអ្នករកស៊ីតាមប្រព័ន្ធអ៉ិនធើណែត៥រូប ដែលរកចំណូលបានច្រើនជាងគេ រាប់រយលានដុល្លារប្រហាក់ប្រហែលនឹងតារាហូលីវូដល្បីៗនៅក្នុងមួយឆ្នាំៗ។ 

បើយោងតាមវេទិកាពាណិជ្ជកម្មអេឡិចត្រូនិកក្វាងទុងបានទម្លាយឈ្មោះបុគ្គលល្បីៗនៅចិន ដែលរកប្រាក់ចំណូលតាមអនឡាញបានច្រើនលើសលុប ដែលសរុបក្នុងមួយឆ្នាំរាប់លានដុល្លារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងនោះ អ្នកទី១គឺ The Boss Seven រកបាន ៣៧លានដុល្លារក្នុងមួយឆ្នាំ ហើយនាងជានារីម្នាក់ដែលរកចំណូលបានច្រើនជាងគេបង្អស់ក្នុងចំណោមនារីរកលុយតាមអនឡាញជាច្រើន។ 

អ្នកបន្ទាប់នោះគឺ Dong Yuhui ដែលលោករកចំណូលបានដល់ទៅ៧៤លានដុល្លារឯណោះ តាមរយៈការឡាយផ្ទាល់លក់ផលិតផល។

រីឯ Austin Li Jiaqi ដែលគេស្គាល់ថា ជាស្ដេចក្រេម រកចំណូលបានដល់ទៅ៣២៣លានដុល្លារ​ឯណោះក្នុងមួយឆ្នាំ។

ក្រឡេកមកមើលអ្នកដែលកាន់តែរកបានចំណូលច្រើនលើសលុបទៀតនោះគឺ Xin Youzhi ដែលលោករកបាន ៤៣៦លានដុល្លារ តាមរយៈការឡាយលក់នំតាមអ៉ិនធើណែត។

លើសពីនោះ អ្នកចុងក្រោយ ដែលជាប់លេខ១ រកចំណូលបាន ៤៥១លានដុល្លារ មានឈ្មោះថា Crazy Little Yang Brother (Xiaoyangge)។

គួរបញ្ជាក់ផងដែរថា អ្នករកចំណូលតាមអនឡាញទាំងនេះ សុទ្ធសឹងតែ ឡាយលក់ផ្ទាល់ៗ នៅក្នុងបណ្ដាញសង្គមមួយនៅប្រទេសចិន។ មិនតែប៉ុណ្នោះ អ្នកទាំង៥ខាងលើនេះ ត្រូវបានគេប្រៀបធៀបចំណូលពួកគេទៅនឹងតារាហូលីវូដដែលរកបានមិនចាញ់តារាលំដាប់ A នោះទេ៕

ប្រភព៖​ South China Morning

• រូបភាព
• តារាចិន