ផ្អែម​​ល្ហែមណាស់! ការពិត HyunA ធ្លាប់ទៅដើរលេងជាមួយមិត្តប្រុសថ្មី កាលពីឆ្នាំមុន

កូរ៉េខាងត្បូង៖ ដូចដែលប្រិយមិត្តបានដឹងហើយថា ថ្មីៗនេះ HyunA បានប្រកាសថានាងកំពុងមានទំនាក់ទំនងស្នេហា ជាមួយនឹងតារាប្រុសអតីតសមាជិកក្រុម Beast និង Hightlight គឺ Junhyung ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងការអបអរសាទររបស់អ្នកគាំទ្រ មានអ្នកគាំទ្រមួយចំនួនក៏សម្ដែងការមិនពេញចិត្តខ្លះៗដោយសារតែ Yong Junhyung ធ្លាប់ពាក់ព័ន្ធនឹងរឿងអាស្រូវក្លិប Burning Sun របស់ Seung Ri ។

យ៉ាងណាមិញ ងាកមកមើលពេលវេលាដែលអ្នកទាំងពីរ ទាក់ទងគ្នាវិញគឺមិនមែនទើបតែទាក់ទងដើមឆ្នាំ២០២៤នេះទេ ពោលគឺតាំងពីខែវិច្ឆិកាឆ្នាំ២០២៣ មកម៉្លេះ។

ក្នុងនោះមានគេទម្លាយរូបភាព អ្នកទាំងពីរនៅក្នុងយន្តហោះ ក្នុងដំណើរកម្សាន្តទៅកាន់ ក្រុង Los Angeles រដ្ឋកាលីហ្វ័រញ៉ា សហរដ្ឋអាមេរិក មុននឹងត្រឡប់មកកូរ៉េវិញនាថ្ងៃទី២២ខែវិច្ឆិកា ដោយក្នុងនោះ Junhyung បានពាក់វ៉ែនតាដើម្បីបិទបាំងផ្ទៃមុខផងដែរ៕  

ប្រភព៖: allkpop

• រូបភាព
• តារាកូរ៉េ