ភ័យតិចអី សុខៗបុរសម្នាក់ ប៉ងចង់លួ-»ចចូលក្នុងផ្ទះរបស់ Taylor ប្រាប់ថាចង់ចួបមុខនាងណាស់

អាមេរិក៖ មានរឿងដ៏គួរឲ្យភ្ញាក់ផ្អើលនិងរន្ធត់មួយបានកើតឡើង បន្ទាប់ពីបុរសម្នាក់បានប៉ុនប៉ងចង់លួចចូលផ្ទះរបស់តារាចម្រៀងផបល្បីឈ្មោះ Taylor Swift ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ផ្ទះនេះជាផ្ទះរបស់នាងស្ថិតនៅក្រុង ញ៉ូវយ៉ក នៅតំបន់ Trebeca ដោយយោងតាមការបញ្ជាក់របស់ប៉ូលិសគឺ បុរសម្នាក់នោះប៉ុនប៉ងចង់បើកទ្វារផ្ទះនេះផងដែរ ប៉ុន្តែឈ្មោះរបស់បុរសម្នាក់នោះពុំត្រូវបានបញ្ចេញនោះឡើយ។

យ៉ាងណាមិញ សាក្សីដែលបានឃើញហេតុការណ៍នេះបានបញ្ជាក់ថា ពិតជាបានឃើញបុរសម្នាក់នោះនៅនឹងមុខផ្ទះ Taylor Swift មែនហើយ គេបានដើរក្រវែលៗផ្ទះនេះជាងមួយខែមកហើយ ដោយបុរសម្នាក់នេះថែមទាំងបាន ស្រែកឡូឡា និងជក់បារីរំខានគេឯងទៀតផង។ ស្វាមីរបស់សាក្សីក៏បានទៅសួរនាំ ហើយបុរសនោះបាននិយាយថាគេចង់ឃើញ Taylor។

គួរបញ្ជាក់ផងដែរថា ប៉ូលិសប្រចាំតំបន់បានទៅចាប់វាយខ្នោះបុរសម្នាក់នោះភ្លាមៗនៅកន្លែងកើតហេតុតែម្ដង ដោយនឹងត្រូវនាំយកទៅសួរចម្លើយផងដែរ៕  

ប្រភព៖: pagesix

• រូបភាព
• តារាអន្តរជាតិ