ល្បីដល់កូរ៉េ ពេល Seungri និយាយថា ខ្លួននឹងនាំ G-Dragon មកលេងខ្មែរ(មានវីដេអូ)

កម្សាន្ត៖ កាលពីពេលថ្មីៗនេះកន្លងទៅនេះ វត្តមានរបស់អតីតតារាចម្រៀង Kpop គឺ Seungri មកជប់លាង ព្រមទាំងបានធ្វើខួបកំណើតរាំច្រៀងយ៉ាងសប្បាយនៅប្រទេសកម្ពុជា និងបានកាន់ Light stick របស់ ក្រុម Big Bang ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនតែប៉ុណ្ណោះ​ Seungri ថែមទាំងទទួលបានការស្វាគមន៍យ៉ាងកក់ក្ដៅពីមហាជនខ្មែឬមួយចំនួន សូម្បីតែតារាខ្មែរខ្លះក៏ស្រឡាញ់គាំទ្ររូបលោកដែរ។​ មិនយូរប៉ុន្មាននោះទេ ព័ត៌មាននេះ បានលេចឮដល់មហាជនកូរ៉េ ដែលធ្វើឲ្យពួកគេបញ្ចេញមតិរិះគន់ជាច្រើនមកកាន់មហាជនខ្មែរដែលនៅតែគាំទ្រ Seungri។

មិនតែប៉ុណ្ណោះ ពួកគេផ្ដោតលើចំណុចដែល Seungri និយាយថា ខ្លួននឹងនាំ G-Dragon មកលេងប្រទេសកម្ពុជា ដែលពាក្យនេះ ធ្វើឲ្យមានការប្រត្តិកម្មយ៉ាងខ្លាំង។ មានមតិជាច្រើនបាននិយាយវាយប្រហារមកកាន់ Seungri ថា ស្មានតែរូបលោកនៅក្នុងគុកនៅឡើយ ហើយថា លោកពិតជាគួរឲ្យខ្ពើមណាស់ ដែលហ៊ានបើកមាត់និយាយពីឈ្មោះ G-Dragon ដែលទើបនឹងរួចខ្លួនពីករណីស៉ើបអង្កេតរកសារធាតុញៀនក្នុងខ្លួន។

ពោលគឺ ពួកគេមានការខឹងសម្បារដែលអតីតសមាជិក Big Bang រូបនេះ ហ៊ាននិយាយដល់ឈ្មោះ GD ហើយធ្វើដូចខ្លួនអាចធ្វើវាបានអញ្ចឹង។ គួរបញ្ជាក់ផងដែរថា Seungri គឺជាឧក្រិដ្ឋជនមួយរូប កាលពីឆ្នាំ ២០២៨ ដែលជាប់ពាក់ព័ន្ធនឹងបទល្មើសជាច្រើន ដូចជា រំលោភបំពានផ្លូវភេទ ពេស្យាចារ ការចែកចាយគ្រឿងញៀន លាក់កាមេរ៉ា ការគេចពន្ធ និងអំពើពុករលួយរបស់ប៉ូលីសក្នុងតំបន់ ដែលត្រូវបានគេដាក់ឈ្មោះករណីនេះថា ជាករណី Burning Sun ហើយត្រូវបានគេស្អប់ជាច្រើន និង Cancel គ្រប់ទីកន្លែងជាពិសេសគឺប្រទេសកូរ៉េ ព្រោះលោកបានធ្វើបាបនារីៗកូរ៉េជាច្រើននាក់ បន្សល់ស្លាកស្នាមឲ្យពួកគេពេញមួយជីវិត៕

ប្រភព៖ Allkpop

seungri got welcome warmly by many celebrities in cambodia and they even defended him. he freely out of jail. everyone please go and report all of this celebrities. #burningsun #SEUNGRI #BURNINGSUNSCANDAL #KPOP #BIGBANG pic.twitter.com/Lc5ORK4W3A

— RJ (@zwxtqs) January 22, 2024

???#SEUNGRI @ForvictoRi pic.twitter.com/nDMyL0iVfI

— Kwon Thandar Linn (@SoeThandarLinn5) January 22, 2024

• វីដេអូ
• តារាកូរ៉េ