មហាជនឆ្ងល់ថា តារាសម្ដែង Jia Ling ស្រកអស់៥០គីឡូក្រាមលឿនបែបនេះ ដើម្បីថតកុនឬយ៉ាងណា

ចិន៖ ថ្មីៗនេះ Jia Ling ដែលជាតារាសម្តែងស្រី និងជាអ្នកដឹកនាំរឿងដ៏ល្បីមួយរូបក្នុងប្រទេសចិន បានស្រកទម្ងន់ខ្លួនដល់ទៅពាក់កណ្តាលសម្រាប់ខ្សែភាពយន្តថ្មី ធ្វើឲ្យមហាជនមានចម្ងល់ជាខ្លាំង។ ជាមួយគ្នានេះ តារាសម្តែង និងជាផលិតករភាពយន្ត Jia Ling បានស្រកទម្ងន់ពី 100kg មកសល់ត្រឹម 50kg សម្រាប់រឿងថ្មី Re La Gun Tang ឬ Yolo ជាភាសាអង់គ្លេស ដែលនាងជាអ្នកដឹកនាំផ្ទាល់ ហើយនាងក៏ដើរតួជា តួឯក ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើយោងទៅតាមសារព័ត៌មាន Qianjiang Evening News ខ្សែ​ភាពយន្ត​នេះ​ នឹងចាក់​បញ្ចាំង​​នៅ​ថ្ងៃ​ចូល​ឆ្នាំ​ថ្មីចិន ត្រូវនឹង​ថ្ងៃ​ទី​១០ ខែ​កុម្ភៈ នេះ។ នេះជាភាពយន្តទី 2 របស់នាង បន្ទាប់ពីជោគជ័យយ៉ាងសម្បើមរបស់រឿង Hi, Mom ដែលបានចេញផ្សាយក្នុងអំឡុងពិធីបុណ្យចូលឆ្នាំថ្មី ឆ្នាំ 2021។

 ទន្ទឹមនឹងនោះ គេបានចាប់អារម្មណ៍លើរូបរាងរបស់ Jia Ling ដែលនាងបានស្រកអស់ 50kg ប៉ុន្ដែនាងនិយាយថា ខ្សែភាពយន្តនេះមិនទាក់ទងនឹងការសម្រកទម្ងន់ទេ វាមានទាក់ទងជាមួយប្រដាល់ ហើយវាជាខ្សែភាពយន្ដដែលប្រាប់ពីរបៀបដែលមនុស្សចិត្តល្អម្នាក់រកឃើញខ្លួនឯង ហើយរៀនស្រឡាញ់ខ្លួនឯង។

ជាពិសេស តារាកំប្លែងវ័យ៤១ឆ្នាំរូបនេះ​ បានបញ្ជាក់ផងដែរថា នាងធ្វើលំហាត់ប្រាណទើបស្រកទម្ងន់ ដើម្បីសុខភាពល្អ ហើយនាងតមអាហារមួយចំនួន និង ប្រើរយៈពេល១ឆ្នាំទើបអាចស្រកបានដល់ទៅ៥០គីឡូក្រាមនេះ៕

ប្រភព៖ South China Morning Post

• រូបភាព
• តារាចិន