CL ចេញមកម្ដងនេះ លេងស្ទាយ៍ញាក់ ពាក់នាឡិកាតម្លៃ ជាង១សែន

កម្សាន្ត៖ CL មិនត្រឹមតែជាជាតារាចម្រៀងពូកែរ៉េបប៉ុណ្ណោះទេ តែនាងក៏ជាអ្នកលេងស្ទាយ៍ឡូយឆាយនិងប្លែកៗ ដែលធ្វើឲ្យអ្នកគាំទ្រតែងតែចំហមាត់ រាល់ពេលដែលនាងបង្ហាញខ្លួនម្ដងៗ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ចេញមកលើកនេះ CL បានអង្រួនបេះដូងអ្នកគាំទ្រទៀតហើយ បន្ទាប់ពីរូបភាពនាងបានផ្សព្វផ្សាយឲ្យម៉ាកយីហោនាឡិកាប្រណីតរបស់ស្វីសគឺ Audermars Piguet x ដែលម៉ាកនេះគឺសហការជាមួយ Tamara Ralph ដែលជាប្រភេទនាឡិកាផលិតមានចំនួនកំណត់។

តាមការឲ្យដឹងគឺ នាឡិកា Concept Flying Tourbillion មួយនេះមានតម្លៃ១៩៥០០០ដុល្លារឯណោះ ជានាឡិកាប្រណីតបង្កើតឡើងតែ១០២គ្រឿងប៉ុណ្ណោះ។

ក្នុងរូបភាពផ្សព្វផ្សាយទាំងនេះ CL បានស្លៀករ៉ូបពណ៌ផ្កាឈូកដិតរាងដូចស្រទាប់ផ្កា ពាក់នាឡិកាពណ៌មាសនេះ ដែលសមជាមួយនឹងសក់ពណ៌ទង់ដែងរបស់នាងជាខ្លាំង៕  

ប្រភព៖: allkpop

• រូបភាព
• តារាកូរ៉េ