មិនខ្វល់ពីអ្នករិះគ-»ន់ Ariana ចេញមកបណ្ដើរគូស្នេហ៍ ឡើងផ្អែមល្ហែម

អាមេរិក៖ ជីវិតរបស់តារាចម្រៀងស្រី Ariana Grande កំពុងស្ថិតក្នុងពណ៌ផ្កាឈូក បន្ទាប់ពីនាងបានលែងលះអតីតស្វាមី Dalton Gomez មកទាក់ទងគ្នាជាមួយនឹងលោក Ethan Slater ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ Ariana ក៏បានទទួលការរិះគន់យ៉ាងហូរហែពីសំណាក់មហាជន ដោយសារតែគេជឿថានាងជាអ្នកធ្វើឲ្យ Ethan Slater លែងលះពីអតីតភរិយារបស់ខ្លួន ប៉ុន្តែតារាស្រីរូបនេះហាក់មិនខ្វល់នោះឡើយ ដោយថែមទាំងបានចេញបទចម្រៀង "Yes,And?"ឌឺដងទៅអ្នកស្អប់​នាងទៀតផង។

ជាក់ស្ដែង នាងនៅតែបន្តបង្ហាញភាពផ្អែមល្ហែមជាមួយមិត្តប្រុស ដោយបានដឹកដៃគ្នានៅព្រលានយន្តហោះអន្តរជាតិ John F. Kennedy នៅទីក្រុងញ៉ូវយ៉ក សហរដ្ឋអាមេរិក ដោយក្នុងនោះមានឆ្កែរបស់នាងឈ្មោះ Toulouse ទៅជាមួយដែរ ដោយនាងនិងមិត្តប្រុសបានពាក់ម៉ាសបិទបាំងផ្ទៃមុខនិងស្លៀកពាក់ខ្មៅទាំងពីរនាក់ ក្នុងនោះ Ariana ក៏បានពាក់មួកកាតឹបផងដែរ។

គេក៏បានប្រទះឃើញអ្នកទាំងពីរបានទទួលបាច់ផ្កាពី ម្ដាយរបស់នាងផងដែរ ហាក់ទើបតែត្រឡប់មកពីទីណាមួយ៕

ប្រភព៖: pagesix

• រូបភាព
• តារាអន្តរជាតិ