ជិតបានមើលហើយ Jisoo និង តារាសម្ដែងលំដាប់ៗ កំពុងជួបជុំគ្នាអាន Script

កូរ៉េខាងត្បូង៖ កាលពីពេលកន្លងទៅនេះ គេបានរាយការណ៍ឲ្យដឹងថា Jisoo នឹងលេចមុខសម្ដែងរឿងភាគថ្មីដែលមានចំណងជើងថា Omniscient Reader ដែលប្រជុំទៅដោយតួឯកលំដាប់ល្បីៗ ដូចជា តារាប្រុស Lee Minho, Ahn Hyo Seop, Shin Seungho តារាស្រី Chae Soobin និង តួឯកស្រីក្នុងរឿង Mask Girl តារាសម្ដែងស្រី Nana ផងដែរ។

ហើយនៅពេលថ្មីៗនេះ តាមប្រភពបានបង្ហាញឲ្យមហាជនដឹងថា ពេលនេះ តួឯកទាំងប៉ុន្មានដួងខាងលើ បានមកជួបជុំគ្នា អានប៉ារ៉ូលដំបូងនៅក្នុងរឿងហើយ ដែលនេះជាដំណាក់កាលដំបូង មុនពេលថតរឿង ដែលតម្រូវឲ្យតួអង្គនីមួយៗមកអានប៉ារ៉ូល ក៏ដូចជាស្គាល់មុខតួអង្គផ្សេងៗផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយនឹងការជួបជុំដោយតារាលំដាប់ៗបែបនេះ ធ្វើឲ្យអ្នកគាំទ្ររបស់ Jisoo មានក្ដីរំភើបជាខ្លាំងជាមួយនឹងសាច់រឿងថ្មីពោរពេញទៅដោយកម្លោះសង្ហា និង តារាស្រីស្រស់ស្អាតទៀតផង។ គួរបញ្ជាក់ថា នេះគ្រាន់តែជាការជួបជុំដំបូងប៉ុណ្ណោះ គឺនៅមិនទាន់បានចាប់ផ្ដើមការថតរឿងនៅឡើយទេ៕

ប្រភព៖ Pop Base

• រូបភាព
• តារាកូរ៉េ