រាងតូច៣៧គីឡូក្រាម Park Minyoung ហាមហ្វេនមិនឲ្យសម្រកដូចនាងទេ សុខភាពទ្រុឌទ្រោម

កូរ៉េខាងត្បូង៖ នៅក្នុងវិស័យសិល្បៈភាពយន្ដនេះ​ វាមិនប្លែកនោះទេ ដែលតារាសម្ដែងនីមួយៗត្រូវផ្លាស់ប្ដូរទម្ងន់របស់ខ្លួនឲ្យស្របទៅតាមតម្រូវការតួអង្គក្នុងរឿង ពេលខ្លះត្រូវឡើងទម្ងន់ និង ពេលខ្លះត្រូវបញ្ចុះទម្ងន់ឲ្យស្គមខ្លួន។ ដូចគ្នានេះដែរ តួឯកស្រី Park Minyoung បានសម្រកទម្ងន់សល់ត្រឹមតែ៣៧គីឡូក្រាមសម្រាប់រឿង Marry My Husband។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនោះ​ តារាស្រីរូបនេះ បានធ្វើឲ្យអ្នកគាំទ្រមានការព្រួយបារម្ភជាខ្លាំងចំពោះរូបរាងដ៏ស្គមរបស់នាង ដោយពួកគេស្មានតែ Minyoung មានបញ្ហាសុខភាព​ ឬបញ្ហាផ្លូវចិត្ត។ ជាមួយគ្នានេះដែរ រូបនាងបានចេញមុខមកទម្លាយថា នាងចង់បង្ហាញអំពីការតាំងចិត្ត សមត្ថភាព និង ការលះបង់ឲ្យអស់ពីលទ្ធភាពសម្រាប់ការសម្ដែងតួអង្គ Kang Jiwon។

មិនតែប៉ុណ្ណោះ Minyoung បន្ដទៀតថា នេះជាលើកចុងក្រោយដែលនាងបញ្ចេញឲ្យអស់ពីសមត្ថភាពក្នុងការសម្ដែងហើយ នាងក៏បញ្ជាក់ផងដែរថា ហាមអ្នកទស្សនាកុំធ្វើតាមការសម្រកទម្ងន់របស់នាងឲ្យសោះ ព្រោះនាងសម្រកអស់សាច់ដុំពីខ្លួន មិនមានកម្លាំងកំហែង សុខភាពក៏មិនរឹងមាំដែរ ដូចនេះសូមកុំសម្រកដូចនាងឲ្យសោះ។

គួរបញ្ជាក់ផងដែរថា តារាសម្ដែងស្រីដ៏ស្រស់ស្អាតរូបនេះ មានកម្ពស់ 1.67cm ហើយមានទម្ងន់ 37kg ដែលក្រោមស្ដង់ដាជាខ្លាំង៕

ប្រភព៖ allkpop

• រូបភាព
• តារាកូរ៉េ