ស្ទាយ៍ម៉ូតសក់ថ្មី Angelina Jolie បង្ហាញសម្រស់កាន់តែស្រស់ស្អាត

កម្សាន្ត៖ តារាសម្ដែង Angelina Jolie ស្រាប់តែទទួលបានការចាប់អារម្មណ៍ ជាមួយនឹងសក់ពណ៌ទង់ដែង ដែលទើបនឹងលាប ពេលបង្ហាញខ្លួន នៅភោជនីយដ្ឋានដ៏ល្បីល្បាញមួយកន្លែង ក្នុងទីក្រុង Los Angeles ជាមួយនឹងកូនប្រុសរបស់នាង Pax Thien ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅល្ងាចថ្ងៃទី ២៤ ខែមករា តារាសម្ដែងស្រី Angelina Jolie និងកូនប្រុស ត្រូវបានគេប្រទះឃើញ ចេញទៅញ៉ាំអាហារពេលល្ងាចនៅ Sushi Park ខណៈដែល តារាស្រីរូបនេះ បានបង្ហាញខ្លួនដ៏ទាក់ទាញ ជាមួយនឹងម៉ូតសក់ត្រង់វែងស្អាត និងបាន​លាប​ពណ៌​សក់​ទង់ដែង​ទឹកឃ្មុំ។

មិនត្រឹមតែប៉ុណ្ណោះ តាមរយៈរូបភាពទាំងនោះ បើទោះបីជា តារាសម្ដែងស្រីរូបនេះ បានតុបតែងមុខតិចតួចក្ដី តែខណៈស្ថិតនៅវ័យ ៤៨ឆ្នាំ រូបនាងក៏បានជ្រើសរើសសំលៀកបំពាក់សាមញ្ញ ជាមួយនឹងរ៉ូបពណ៌សវែង និងអាវយឺតធំខាងក្រៅ ស្ពាយកាបូបស្បែកខ្មៅ និងពាក់ស្បែកជើងកែង ដែលមើលទៅមានភាពស័ក្តិសម ទៅនឹងសម្រស់់ដ៏ស្រស់ស្អាត និងកាន់តែក្មេងជាងវ័យ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ