ថៃ៖ សម្រាប់តារាសម្ដែងស្រី Ice Preechaya នៅតែត្រូវបានចូលចិត្តនិងតាមដាន មិនថាជាសកម្មភាពនៃការរស់នៅប្រចាំថ្ងៃរបស់នាង ជាពិសេស ការបង្ហាញស្ទាយ៍តុបតែងខ្លួនស្អាតៗជាបន្តបន្ទាប់ ជាមួយនឹងរូបរាងដ៏ទាក់ទាញរបស់នាង ទៀតផង។
ថ្មីៗនេះដែរ តារាសម្ដែងស្រីរូបនេះ បានធ្វើឱ្យមហាជនជាច្រើន កាន់តែរំភើបចិត្តជាខ្លាំង បន្ទាប់ពីនាង បានបង្ហាញរូបភាព វាស់ទំហំចង្កេះ ដើម្បីធ្វើបច្ចុប្បន្នភាព រូបរាង និងទម្ងន់របស់ខ្លួននៅពេលនេះ។ អ្វីដែលគួរឲ្យភ្ញាក់ផ្អើល តារាស្រី Ice បានរៀបរាប់ពីទំហំទាំង៣ និងបានបញ្ជាក់ច្បាស់ៗថា ចង្កេះរបស់នាង ត្រឹមតែ ២១ តែប៉ុណ្ណោះ។
ក្រោយពីបានជ្រាបបែបនេះ មហាជនជាច្រើន ពិតជាបានស្រឡាំងកាំងជាមួយនឹងរូបរាង ស្លីមខ្លាំងរបស់ Ice ដោយនាងទទួលស្គាល់ថា ចង្កេះរបស់នាងតូចខ្លាំងណាស់ ស្របពេលដែលហ្វេនៗ ក៏កំពុងព្រួយបារម្ភថានាងស្គមពេក និងចង់ឲ្យនាងផ្តោតលើសុខភាពឲ្យបានច្រើន ផងដែរ៕
ប្រភព៖ Kapook
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
