Lisa ប៉ះ Rihanna មួយប៉ុស្តិ៍នេះ ស្អាតញាក់ទាំងពីរ

កម្សាន្ត៖ Lisa គឺជាតារាចម្រៀង KPOP ដ៏ល្បីឈ្មោះម្នាក់ និងជាសមាជិករបស់ក្រុម BLACKPINK ដែលមានភាពលេចធ្លោខាងពូកែបញ្ចេញក្បាច់រាំ ហើយនាងក៏ចាត់ទុកជាតារាដ៏មានឥទ្ធិពលម្នាក់ផងដែរ ដោយសារតែនាងជាតារា KPOP ដំបូងគេដែលមានអ្នកតាមដានលើ Instagram រហូតដល់១០០លាននាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ថ្មីៗនេះ នាងបានធ្វើឲ្យអ្នកគាំទ្រមានការរំភើបជាខ្លាំង ក្រោយបង្ហាញខ្លួនក្នុងការប្រគុំតន្ត្រីបែបសប្បុរសមួយនៅប្រទេសបារាំង ឈ្មោះថា Gala Des Pièces Jaunes ដែលធ្វើឡើងនៅឯ Accor Arena នាថ្ងៃទី២៧ ខែមករាកន្លងទៅនេះ។

ក្នុងនោះគេសង្កេតឃើញថា តារាចម្រៀងក៏ដូចជាអ្នកជំនួញស្រីល្បីឈ្មោះ Rihanna ក៏បង្ហាញវត្តមានក្នុងនាមជាភ្ញៀវផងដែរ ហើយអ្នកគាំទ្រសង្ឃឹមថា Lisa និង Rihanna នឹងបានថតរូបជាមួយគ្នា។

យ៉ាងណាមិញ Lisa មិនបានធ្វើឲ្យអ្នកគាំទ្រខកបំណងទេ បន្ទាប់ពីបានបង្ហោះរូបថតជាមួយតារាចម្រៀង Rihanna ដោយគេមើលឃើញថាពួកគេទាំងពីរបានឈរកៀកគ្នា ពោរពេញដោយស្នាមញញិម។

Lisa បានស្លៀកឈុតអាវនិងខោពណ៌ទឹកដោះគោ ហើយ Rihanna បានពាក់អាវស្បែកពណ៌ខ្មៅមើលទៅពិតជាលេចធ្លោ ធ្វើឲ្យអ្នកគាំទ្រទាមទារឲ្យពួកគេសហការលើផ្នែកតន្ត្រីជាមួយគ្នាទៀតផង៕  

ប្រភព៖: koreaboo

• រូបភាព
• តារាថៃ
• តារាអន្តរជាតិ
• តារាកូរ៉េ