ផ្ទះរបស់តារាសម្ដែង Lee Byung Hun នៅ LA ត្រូវចោ»-រចូលគា»-ស់ បានសម្រេច

អាមេរិក៖ យោងតាមសារព័ត៌មាន TMZ បានចុះផ្សាយថា ផ្ទះរបស់តារាសម្ដែងប្រុសដ៏ល្បីឈ្មោះរបស់កូរ៉េខាងត្បូង Lee Byung-Hun ត្រូវចោរចូលគាស់បានសម្រេច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហេតុការណ៍នេះបានកើតឡើងកាលពីថ្ងៃទី២៩ ខែមករា កន្លងទៅនេះ នៅចំណុចទីតាំងផ្ទះរបស់លោកស្ថិតនៅឯ ក្រុង Los Angeles រដ្ឋកាលីហ្វ័រញ៉ា សហរដ្ឋអាមេរិក ប៉ុន្តែជាសំណាងហើយដែលលោកពុំបាននៅផ្ទះទេ អំឡុងពេលចោរចេញប្រតិបត្តិការ និងទើបតែដឹងជាក្រោយដោយសារភ្នាក់ងាររបស់លោកបានមកទីនេះ។

ភ្លាមៗបន្ទាប់ពីរាយការណ៍ទៅប៉ូលិសប្រចាំតំបន់ គេបានដឹងថា មានរបស់មានតម្លៃបានបាត់បង់តែមិនទាន់កំណត់ទំហំទឹកប្រាក់ ឬរបស់មានតម្លៃណាខ្លះនោះឡើយ។

ប៉ូលិសបាននិយាយថា ការចូលលួចរបស់ចោរនេះគឺមិនមែនចោរមានគំនុំ ឬដៅទុកមុនថាត្រូវតែចូលលួចរបស់ក្នុងផ្ទះតារាសម្ដែងនេះទេ គឺចោរនេះចូលលួចជាទូទៅដោយសម្លឹងឃើញផ្ទះណាមើលទៅមានទ្រព្យសម្បត្តិច្រើន ខណៈដែលផ្ទះរបស់តារាស្រី Lee Waite ដែលនៅក្បែរនោះ ក៏ធ្លាប់ត្រូវចោរចូលគាស់ដែរ និងបាត់បង់គ្រឿងអលង្ការរហូតដល់ទៅ ២០០០០០ដុល្លារឯណោះ៕  

ប្រភព៖: allkpop

• រូបភាព
• តារាកូរ៉េ