ទោះមិនបានរៀបចំជាមួយគ្នា តែ គូស្នេហ៍ Ronaldo នៅតែអាចរៀបចំខួបកំណើត យ៉ាងមានក្ដីសុខ

បរទេស៖ តារាម៉ូដែលស្រី Georgina Rodriguez ដែលត្រូវបានគេស្គាល់ថា ជាមិត្តស្រីរបស់ កំពូលកីឡាករបាល់ទាត់ លោក Cristiano Ronaldo បានប្រារព្ធខួបកំណើតគម្រប់ ៣០ ឆ្នាំរបស់ខ្លួន ជាមួយកូនៗ និងមិត្តភក្តិជិតស្និទ្ធនៅ Maldives ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅលើទំព័រផ្ទាល់ខ្លួនរបស់ តារាស្រីរូបនេះ កាលពីថ្ងៃទី ២៨ ខែមករាកន្លងទៅ បានបង្ហោះរូបថតជាច្រើនសន្លឹកពីវិស្សមកាលរបស់នាង នៅម៉ាល់ឌីវជាមួយនឹងពាក្យថា «Lucky happy 30» ជាពិសេស រូបនាងថែមទាំងបាន​បង្ហាញ​រូបភាព បញ្ចេញនូវសម្រស់រូបរាង យ៉ាង​ក្ដៅ​គគុក ​ពេល​ពាក់​ស្បែកជើង​ប៉ាតា ​រត់​លើ​ខ្សាច់។

មិនត្រឹមតែប៉ុណ្ណោះ Georgina ក៏បានបង្ហាញរូបថតរបស់ខ្លួន ពេលកំពុងញ៉ាំអាហារពេលល្ងាចនៅឆ្នេរជាមួយក្រុមមិត្តភក្តិជិតស្និទ្ធ និងកូនៗ។ ខណៈដែលរូបថតមួយទៀត បានបង្ហាញថា លោក Ronaldo គឺមិនមានវត្តមាន នៅក្នុងថ្ងៃខួបកំណើតរបស់មិត្តស្រីរបស់ខ្លួនទេ ហើយរូបលោក ព្រមទាំងកូនស្រីពៅ Bella បានទូរស័ព្ទពីផ្ទះ ដើម្បីជូនពរដល់ Georgina ឲ្យកាន់តែមានភាពរីករាយក្នុងថ្ងៃកំណើត ផងដែរ៕ 

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ