Jennie ដើរទិញអីវ៉ាន់ ជាមួយ Jisoo ឡើងស្វីត សំខាន់ហ្វេនមើលឡើងអត់ស្គាល់

កូរ៉េខាងត្បូង៖ ទោះបីជាសមាជិក BLACKPINK ទាំងអស់សម្រេចមិនបន្តកុងត្រាថ្មីលើសកម្មភាពទោលជាមួយនឹងផលិតកម្ម YG Entertainment ក្ដីតែ សមាជិកទាំងអស់នៅតែអាចរួបរួមគ្នាចេញចម្រៀងជាក្រុមនាពេលអនាគតដដែល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ទំនាក់ទំនងរវាងសមាជិកនីមួយៗ នៅតែល្អ ដោយថ្មីៗនេះមានអ្នកគាំទ្រម្នាក់បានឃើញ Jennie បានចេញមកដើរលេងជាមួយ Jisoo ដោយបាននាំគ្នាដើរទិញអីវ៉ាន់ផងដែរ។

យ៉ាងណាមិញ វាគួរឲ្យស្ដាយណាស់ដែលអ្នកគាំទ្រមិនបានចំណាំពួកគេប៉ុន្តែបានថតរូបជាប់ Jisoo និង Jennie ដោយចៃដន្យ។

ក្នុងរូបភាពនោះ Jisoo បានពាក់មួកកាតឹបបិទបាំងផ្ទៃមុខ និងពាក់អាវដៃវែងពណ៌ទឹកសមុទ្រចាស់ គូជាមួយខោខោប៊យ ហើយ Jennie វិញពុំមានតុបតែងមុខនោះឡើយ ហើយទម្លាក់សក់ធម្មតា មើលទៅសាមញ្ញជាមួយនឹងអាវដៃវែងពណ៌ស បូកថែមអាវកាក់ពណ៌ប្រផេះពីលើ ដោយនាងបានស្លៀកខោពណ៌ខ្មៅផងដែរ៕  

ប្រភព៖: allkpop

• រូបភាព
• តារាកូរ៉េ