យូរៗចេញមកម្ដង ចាង ស៊ីប៊ីយុ នៅតែស្រស់ស្អាត ជះចំហាយឡើងដូចជំទាវ

កូរ៉េខាងត្បូង៖ បើនិយាយពី Yoona ឬអ្នកគាំទ្រនៅកម្ពុជាស្គាល់ថាជាតួអង្គ "ចាង ស៊ីប៊ីយុ" ក្នុងរឿង "អូនជាបេះដូងបង" នោះ គឺនាងតែរក្សាបានប្រជាប្រិយភាពក្នុងវិស័យកម្សាន្តនៅកូរ៉េខាងត្បូង បើទោះជាចូលវ័យ៣៣ឆ្នាំហើយក្ដី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ ថាក្រៅពីទេពកោសល្យរឿងច្រៀងរាំដោយនាងបានបង្ហាញ ក្នុងនាមជាសមាជិកម្នាក់របស់ Girls' Generation ហើយ Yoona ក៏នៅជាតារាស្រីមួយរូបដែលពូកែសម្ដែងខ្លាំងនិងមានចរិតរួសរាយរាក់ទាក់ ជាគម្រូដល់សិល្បករជំនាន់ថ្មីផងដែរ ដូច្នេះហើយទើបនាងទទួលបានការស្រលាញ់ និងលើកតម្កើងពីអ្នកគាំទ្រទាំងក្នុងស្រុកនិងក្រៅស្រុក។

ជាក់ស្ដែង ថ្មីៗនេះ Yoona បានលេចមុខនៅលើទំព័រទស្សនាវដ្ដី Vogue នាទីក្រុង Hong Kong ដែលក្នុងរូបភាពទាំងនេះ គេអាចឃើញថាសម្រស់របស់នាងនៅតែស្រស់ស្អាត មិនមានអ្វីខុសប្លែកពីកាលនាងនៅខ្ទង់២០នោះឡើយ។

ក្នុងនោះនាងបានបង្ហាញរាងរៅដ៏ស្លីម ផ្ទៃមុខស្រស់ស្អាតបែបពងក្រពើ និងជាពិសេសនោះគឺស្ទាយ៍នៃការស្លៀកពាក់បែបអភិជន រួមជាមួយគ្រឿងអលង្ការប្រណីត ដែលធ្វើឲ្យនាងកាន់តែមើលទៅលេចធ្លោ៕

ប្រភព៖: allkpop

• រូបភាព
• តារាកូរ៉េ