ខួបកំណើតឆ្នាំនេះ គូស្នេហ៍ Ronaldo ទទួលបានកាដូពិសេសនេះ ពីមិត្តប្រុស

កម្សាន្ត៖ បានធ្វើឲ្យហ្វេនៗជាច្រើន ចាប់អារម្មណ៍ ក្រោយពី តារាម៉ូដែលស្រីដ៏ស្រស់ស្អាត Georgina បានបង្ហាញរូបថតនាឡិកាដៃពណ៌ផ្កាឈូក ដែលមានមុខពេញដោយត្បូង និងបានអរគុណចំពោះមិត្តប្រុសរបស់ខ្លួន លោក Cristiano Ronaldo ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈរូបភាពដែលបានបង្ហាញឡើង ពីមិត្តស្រីរបស់កំពូលកីឡាករបាល់ទាត់ព័រទុយហ្គាល់រូបនេះ បានបង្ហាញពីការដូខួបកំណើតរបស់នាង នៅលើ Instagram Story កាលពីថ្ងៃទី ៣១ ខែមករា ដែលនៅក្នុងនោះ តារាម៉ូដែលស្រី Georgina បានសរសេរ និងដាក់ស្លាកឈ្មោះមិត្តប្រុស ដោយបាននិយាយថា «អរគុណដែលស្រលាញ់ខ្ញុំ»។

មិនត្រឹមតែប៉ុណ្ណោះ យោងតាម កាសែត AS បានលើកឡើងថា ម៉ូដែលនាឡិកាដែល លោក Ronaldo បានឱ្យមិត្តស្រីរបស់ខ្លួន គឺ Casio G-Shock Series 6900 ប៉ុន្តែត្រូវបានផលិតជាពិសេសសម្រាប់ Georgina ដែលគ្របដណ្ដប់ដោយថ្ម មានតម្លៃថ្លៃពី Jacob&Co ហើយតម្លៃ​នាឡិកានេះ ​ដែល​មិន​បាន​តុបតែង​ ជា​មធ្យម​ប្រហែល ២០០ អឺរ៉ូ (ប្រហែល ២១៧ដុល្លារ)៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ