ឃើញ Aespa អញ្ចឹងទេ តែទំហំខ្លួនដូចកូនមនុស្ស មើលឈុតឡើងឆាក តាំងក្នុងសារមន្ទីទើបដឹងថាតូចប៉ុណ្ណា

កូរ៉េខាងត្បូង៖ ក្រុម Aespa គឺជាក្រុមចម្រៀងស្រី Kpop ដែលមានសមាជិក៤នាក់ Ning Ning, Gisselle, Winter និង Karina ដែលពួកគេម្នាក់ៗ សុទ្ធតែមានសមត្ថភាពច្រៀង រាំ រ៉េប សម្ដែង និង ថែមទាំងមានសម្រស់ស្រស់ស្អាតទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនតែប៉ុណ្នោះ ក្រុម Aespa ទទួលបានកេរ្តិ៍ឈ្មោះល្បីល្បាញតាំងពីបង្ហាញមុខដំបូងនៅឆ្នាំ០២០ ជាមួយនឹងបទ Black Mamba។ ទន្ទឹមនឹងនោះ ថ្មីៗនេះ មហាជននាំគ្នាចាប់អារម្មណ៍ទៅលើក្រុមចម្រៀងមួយនេះជាខ្លាំង ដោយគេបានឃើញទំហំសម្លៀកបំពាក់របស់សមាជិកម្នាក់ៗមានរាងតូចជាខ្លាំងខុសពីមនុស្សស្រីទូទៅ។

នៅក្នុងនោះ អ្នកលេងបណ្ដាញសង្គមបានចែករំលែករូបភាពមួយចំនួន ដែលបង្ហាញពី សម្លៀកបំពាក់មួយឈុតនៃ សមាជិក Aespa ក្នុងបទ Savage ដាក់តាំងនៅក្នុងសារមន្ទីមួយ ហើយអ្វីដេលធ្វើឲ្យអ្នកគាំទ្រភ្ញាក់ផ្អើលនោះគឺ​ ទំហំសម្លៀកបំពាក់ទាំងនេះ មានទំហំតូចខ្លាំង ដែលតម្រូវឲ្យប្រើម៉ាណាកាំងទំហំកូនក្មេងដាក់តាំង។

ដោយសារ អាយុរបស់ សមាជិកក្រុម ​Kpop នេះ មានចន្លោះពី ១៩ឆ្នាំទៅ២១ឆ្នា នៅពេលពាក់ឈុតនោះ ធ្វើឲ្យហ្វេនមានការងើយឆ្ងល់នឹងរូបរាងដ៏សែនតូចរបស់ពួកគេ៕

ប្រភព​៖ koreaboo

• រូបភាព
• តារាកូរ៉េ