Lee Minho ចេញមករាយមន្តស្នេហ៍ដាក់ហ្វេនៗ នៅថៃ ជះចំហាយអភិជន

កម្សាន្ត៖ បើនិយាយដល់ឈ្មោះ Lee Minho គឺនរណាៗក៏ស្គាល់ថាលោកជាតារាសម្ដែងដ៏ស្រស់សង្ហា បែបកំពូលនៅកូរ៉េខាងត្បូង ដែលល្បីឈ្មោះតាំងពីរឿង "កន្លង់បាក់ស្លាប កុលាបមានស្នេហ៍" ឬ Boys Over Flower មកម៉្លេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Lee Minho បានចេញមកអង្រួនបេះដូងអ្នកគាំទ្រ នៅពេលលោកបានបង្ហាញវត្តមានក្នុងកម្មវិធីសម្ពោធហាង "FENDI" ថ្មីនៅ Siam Paragon នៅប្រទេសថៃ ដែលធ្វើឲ្យអ្នកគាំទ្រមានការកោតសរសើរលើសម្រស់របស់លោក។

ក្នុងនោះលោកបានស្លៀកពាក់ឈុតគ្រ័រហ្សេពណ៌ខ្មៅបែបមានស្ទាយ៍រូបថ្នេរៗបញ្ឈរចុះក្រោម ដែលអាវមានសម្រុងវែងគ្របដល់ជង្គង់ ហើយសក់ទៀតសោតក៏ទម្លាក់ចុះមកលុបថ្ងាស មើលទៅសង្ហាដូចអភិជនជាន់ខ្ពស់។

លោកក៏បានថតរូបជាមួយតារាថៃល្បីឈ្មោះ តួសម្ដែងស្រីក្នុងរឿង "បុព្វសន្និវាស" គឺ Bella Ranee ផងដែរ៕  

ប្រភព៖: allkpop

• រូបភាព
• តារាកូរ៉េ