កាន់តែផ្អែមល្ហែមហើយ ពេល Selena បង្ហាញសកម្មភាពមួយនេះ ជាមួយនឹងគូស្នេហ៍

បរទេស៖ ថ្មីៗនេះ បានធ្វើឲ្យហ្វេនៗជាច្រើន កាន់តែចាប់អារម្មណ៍ជាមួយនឹងរឿងរ៉ាវក្នុងទំនាក់ទំនងស្នេហា របស់តារា​ចម្រៀងស្រី Selena Gomez បន្ទាប់ពីនាង បានបង្ហាញ​ពី​ភាព​រ៉ូមែនទិក ដែលជារូបភាពនៅ​លើ​គ្រែ ​ជាមួយ​ផលិតករ​តន្ត្រី លោក Benny Blanco។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ រូបថតដែលថតដោយ លោក Benny បង្ហាញថា Selena កំពុងដេកក្នុងភួយ និងបានរីករាយនឹងសន្តិភាព និងភាពផ្អែមល្ហែមនាពេលព្រឹក។ មិនត្រឹមតែប៉ុណ្ណោះ តារា​ចម្រៀងស្រី​រូប​នេះ ក៏​បាន​បង្ហោះ​រូបថត​មួយ​សន្លឹក​លើ Instagram Story ដោយ​ដាក់​ស្លាក​ឈ្មោះ​មិត្ត​ប្រុស​របស់ខ្លួន ជាមួយ​នឹង​ពាក្យ​ថា «Morning with you» ទៀតផង។

យ៉ាងណាមិញ ក្រឡេកឃើញថា ជាមួយនឹងភាពរីករាយក្នុងស្នេហាថ្មី តារាចម្រៀងស្រី Selena Gomez មិនខ្លាចក្នុងការបង្ហាញវា ទៅកាន់អ្នកគាំទ្ររាប់លាននាក់នៅលើ Instagram នោះទេ ខណៈដែលនាងបានចាប់ផ្តើមបង្ហោះរូបថតជាមួយនឹងគូស្នេហ៍ កាលពីខែធ្នូឆ្នាំមុន ហើយបាននិយាយដោយបើកចំហអំពីស្នេហាដ៏ផ្អែមល្ហែមរបស់ខ្លួន ផងដែរ៕  

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ