Kim Soo Hyun ចំណាយលុយ រាប់លានដុល្លារ ទិញផ្ទះប្រណីតមួយនេះ

កូរ៉េខាងត្បូង៖ តារាសម្ដែង Kim Soo Hyun បានចំណាយប្រាក់ ៨,៨ ពាន់លានវ៉ុន (ប្រហែល ៦,៥៧ លានដុល្លារអាមេរិក) ដើម្បីទិញអាផាតមិនមួយកន្លែង នៅតំបន់លំដាប់ខ្ពស់ក្នុងទីក្រុងសេអ៊ូល។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ​​Nate កាលពីថ្មីៗនេះ បានបង្ហាញថា តារាសម្ដែង លោក Kim Soo Hyun បានទិញអាផាតមិនមួយកន្លែងដោយជោគជ័យ នៅ Galleria Foret, Seongsu-dong, ទីក្រុងសេអ៊ូល ខណៈដែលកន្លែង​នេះ ​ត្រូវ​បាន​គេ​ស្គាល់​ថា ​ជាអាផាតមិន​ថ្លៃ​បំផុត​មួយ​ ក្នុង​ទីក្រុង​សេអ៊ូល។

ក្នុងនោះដែរ អាផាតមិននេះ ត្រូវបានគេដឹងថា មានទំហំ ៩០ ម៉ែត្រការ៉េ មានបន្ទប់គេង ៣ និងបន្ទប់ទឹក ៣ ដែលមានតម្លៃ ៨,៨ ពាន់លានវ៉ុន ហើយបានបង់ជាសាច់ប្រាក់ ៤,៤ ពាន់លានវ៉ុន និង ៤,៤ ពាន់លានវ៉ុន ជាប្រាក់កម្ចី។

គួររំឮកផងដែរថា កាលពីមុន លោក Kim Soo Hyun បានទិញផ្ទះពីរនៅក្នុងតំបន់នេះ ដូច្នេះហើយឥឡូវនេះលោកមានផ្ទះចំនួន ៣ នៅក្នុងតំបន់ដូចគ្នា។ ហើយតម្លៃផ្ទះនៅក្នុងតំបន់នេះ មាននិន្នាការកើនឡើងក្នុងប៉ុន្មានឆ្នាំចុងក្រោយនេះ ខណៈដែលរួមទាំងអាផាតមិន ពីរ ដែលបានទិញពីមុនមកនេះ ទ្រព្យសម្បត្តិអចលនទ្រព្យប៉ាន់ស្មានរបស់ Kim Soo Hyun នៅក្នុងតំបន់នេះ បានកើនឡើងដល់ ៣០ ពាន់លានវ៉ុន (ប្រមាណ ២២,៤ លានដុល្លារ)៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាកូរ៉េ