មកមើលសម្រស់ Cha Eunwoo ក្នុងរូបថត Teaser សម្រាប់បទថ្មី សង្ហាឡើងខាបព្រលឹង

កូរ៉េខាងត្បូង៖ Cha Eunwoo មិនត្រឹមតែជាតារាចម្រៀងដែលមានប្រជាប្រិយភាពទេ តែលោកក៏ជាតារាសម្ដែងមួយដ៏មានទេពកោសល្យ ដែលធ្វើឲ្យអ្នកគាំទ្រកោតសរសើរ ក៏ដូចជាចាប់អារម្មណ៍ចង់តាមដានសកម្មភាពនានារបស់លោក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Eunwoo កំពុងផ្ដោតលើអាល់ប៊ុមថ្មីខ្នាតតូចបែប SOLO របស់ខ្លួនផ្សេងពីសមាជិកក្រុម ASTRO ដទៃ ដែលអាល់ប៊ុមនេះមានចំណងជើងថា "Entity" គ្រោងនឹងបញ្ចេញជាផ្លូវការនាថ្ងៃទី១៥ខែកុម្ភៈ។

យ៉ាងណាមិញ បទចម្រៀងមួយក្នុងអាល់ប៊ុមនោះនឹងចេញផ្សាយមុនគឺនាថ្ងៃទី៦ខែកុម្ភៈ ខណៈដែលផលិតកម្ម Fantagio បានទម្លាក់រូបភាព Teaser ក៏ដូចជាវីដេអូខ្លីៗ ទាក់ទងនឹងអាល់ប៊ុមនេះផងដែរ។

ក្នុងរូបភាពទាំងប៉ុន្មានសន្លឹកនោះ គេឃើញ Eunwoo ថតនៅកន្លែងបីផ្សេងគ្នា មួយគឺនៅក្នុងបន្ទប់ពណ៌ផ្ទៃមេឃចាស់ ដែលលោកបានស្លៀកឈុតពណ៌សសុទ្ធ និងមើលទៅពិតជាក្រៀមក្រំណាស់ ដោយបានសម្រក់ទឹកភ្នែកទៀតផង ហើយរូបមួយផ្នែកទៀត តែងខ្លួនបែបសុភាពសាមញ្ញៗ ពោរពេញដោយស្នាមញញិមនៅបន្ទប់ពណ៌លឿងឆើត។ រូបមួយផ្នែកទី៣នោះគឺលោកស្លៀកឈុតខ្មៅ ទម្លាក់សក់មកក្រោមយ៉ាងសង្ហា ដោយថតនៅក្នុងបន្ទប់គេងដ៏ងងឹត តែមិនថារូបថត​​នៅ​​កន្លែងណា ក៏​​សម្រស់របស់លោក នៅតែ​​សង្ហាខាបព្រលឹង៕

ប្រភព៖: allkpop

• រូបភាព
• តារាកូរ៉េ