ហ្វេនខឹងសម្បារចំពោះ ផលិតកម្ម Cube ដែលឲ្យក្រុម (G)i-dle ចេញថ្លៃធ្វើវីដេអូចម្រៀងខ្លួនឯង

កូរ៉េខាងត្បូង៖ ថ្មីៗនេះ អ្នកគាំទ្ររបស់ក្រុម (G)i-dle មានការខឹងសម្បារចំពោះផលិតកម្ម Cube Entertainment ដែលមានការកំណាញ់ចំពោះក្រុមនារីនេះ ដោយឲ្យពួកគេចេញថ្លៃថតវីដេអូចម្រៀងខ្លួនឯងពាក់កណ្ដាលថែមទាំងផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ឲ្យដឹងដែរថា វីដេអូចម្រៀង Super Lady ដែលទើបនឹងចេញថ្មីនេះ សមាជិកក្រុមតម្រូវឲ្យចេញថ្លៃចំណាយពាក់កណ្ដាលអស់ ៥៥០លានវ៉ុន ដែលស្មើនឹងជាង៤១ម៉ឺនដុល្លារឯណោះ។ ជាមួយគ្នានេះ MV ជាប់ក្នុងចំណោម MV ទាំង៥ក្នុង Kpop ដែលចំណាយទឹកប្រាក់ច្រើនជាងគេ ដែលបទ នេះ ចំណាយសរុបអស់ជាង៨៣ម៉ឺន​ ដុល្លារឯណោះ។

ប៉ុន្ដែទោះបីជាចំណាយច្រើនយ៉ាងនេះពិតមែន ប៉ុន្ដែអាល់ប៊ុមបទ Super Lady ទទួលបានការគាំទ្រយ៉ាងខ្លាំងក្លា និង ទទួលបានការដាក់កម្មង់អាល់ប៊ុមជិត២លាន Pre-order។ ក្រឡេកមើល Cube នៅតែឲ្យតារាខ្លួនចេញថ្លៃបែបនេះទៀត សមនឹងហៅថា កំណាញ់ ចង់យកតែចំណេញពិតមែន។

ក្រោយពីដឹងដំណឹងនេះហើយ អ្នកគាំទ្រមានការខឹងសម្បារជាខ្លាំងចំពោះ Cube ថែមទាំងហៅថា ជាក្រុមហ៊ុនថោក ដែលឲ្យតារាចម្រៀងខ្លួនចេញថ្លៃថតខ្លួនឯង គ្មានទេក្នុងប្រវត្តិសាស្ត្រ។ លើសពីនោះ គេថែមទាំងបញ្ចេញមតិទៀតថា (G)i-dle គួរតែផ្ដាច់កុងត្រាជាមួយផលិតកម្មនេះហើយ បង្កើតផលិតកម្មខ្លួន​ឯង ព្រោះពួកគេម្នាក់ៗសុទ្ធតែមានសមត្ថភាពរៀងៗខ្លួន៕

ប្រភព៖ K-Buzz

• រូបភាព
• តារាកូរ៉េ