ម្ដងនេះ Gypsy ចេញមកបង្ហាញទិដ្ឋភាពផ្ទះស្វាមី នៅក្រៅប្រទេស ឡើងស្រស់ស្អាត

បរទេស៖ អាចនិយាយបានថា បន្ទាប់ពីបានរៀបការរួចហើយមក តារាស្រី Gypsy Keerati ក៏បានបង្ហាញពីការរស់នៅដ៏មានសុភមង្គល ជាមួយនឹងស្វាមី ដែលពោរពេញដោយភាពផ្អែមល្ហែម និងមានការ​យក​ចិត្ត​ទុក​ដាក់​ចំពោះគ្នា​ទៅ​វិញ​ទៅ​មក​។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ថ្មីៗនេះវិញ តារាសម្ដែងស្រី Gypsy ស្រាប់តែបានធ្វើឲ្យហ្វេនកាន់តែចាប់អារម្មណ៍ ក្រោយពីមានឱកាសធ្វើដំណើរកម្សាន្ត ទៅលេងស្រុកកំណើតស្វាមីជាទីស្រលាញ់របស់ខ្លួន។ ក្នុងនោះដែរ តារាស្រីរូបនេះ បានបើកបង្ហាញពីការថតរូប នៃពេលវេលាដ៏មានសុភមង្គល បង្ហាញពីភាពស្រស់ស្អាតធម្មជាតិបៃតង និងទិដ្ឋភាពផ្ទះដ៏ស្រស់ស្អាតរបស់ស្វាមីនាង សម្រាប់អ្នកគាំទ្រដែលតាមដាននៅលើ Instagram ព្រមទាំងបានរៀបរាប់ថា «ស្រុកកំណើតស្វាមី»។

មិនត្រឹមតែប៉ុណ្ណោះ ការបង្ហោះមួយនេះ ទទួលបានការ Like ពីអ្នកគាំទ្រជាច្រើន រួមទាំងមិត្តភក្តិតារា បានចូលមកសរសើរ ពីភាពស្រស់ស្អាតនៃទិដ្ឋភាពផ្ទះ ជាមួយនឹងបរិយាស្រស់ស្រាយ គួរឲ្យចង់រស់នៅ៕

ប្រភព៖ Sanook

សូមទស្សនារូបភាពខាងក្រោម៖ 

• រូបភាព
• តារាថៃ