Rosé ច្រៀងរាំយ៉ាងសប្បាយរីករាយ អំឡុងពេលទៅចូលរួមខនសឺតរបស់ Taylor Swift

ប្រទេសជប៉ុន៖ Rosé ដែលជាសមាជិកម្នាក់ក្នុងក្រុមចម្រៀងនារី BLACKPINK មានទេពកោសល្យខាងផ្នែកច្រៀង ដោយមានទឹកដមសំឡេងពីរោះរណ្ដំ ខុសប្លែកពីតារាចម្រៀងដទៃ និងចាត់ទុកជាបុគ្គលម្នាក់ដ៏មានឥទ្ធិពល ហើយរាល់សកម្មភាពនានាៗរបស់នាង ទាំងលើឆាកនិងក្រោយឆាក តែងតែទទួលបានការចាប់អារម្មណ៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង កាលពីយប់ថ្ងៃទី៧ខែកុម្ភៈកន្លងទៅនេះ Rosé បានធ្វើឲ្យអ្នកគាំទ្រភ្ញាក់ផ្អើល ក្រោយបង្ហាញខ្លួនក្នុងការប្រគុំតន្ត្រីរបស់ Taylor Swift មានឈ្មោះថា "The Eras Tour" នៅឯទីក្រុងតូក្យូ ប្រទេសជប៉ុន ក្នុងពហុកីឡដ្ឋាន Tokyo Dome ។

Rose បានបង្ហោះវីដេអូមួយក្នុងគណនី Tiktok របស់នាងផ្ទាល់ ដោយបានសរសេរថា "នេះជាពេល១០នាទីដ៏អស្ចារ្យបំផុត នៅតូក្យូ" ភ្ជាប់ជាមួយនឹងវីដេអូនាងច្រៀងតាមបទចម្រៀង "All too Well" ផងដែរ។

យ៉ាងណាមិញ មិនត្រឹមតែ Rosé ទេ សូម្បី Taylor Swift ផ្ទាល់ក៏ធ្លាប់បានបង្ហាញការគាំទ្រដល់ក្រុម BLACKPINK ដោយធ្លាប់ច្រៀងតាមបទ "Pink Venom" នៅកម្មវិធី VMAs ឆ្នាំ២០២២ ដោយអ្នកទាំងពីរក៏ធ្លាប់បានថតរូបជាមួយគ្នាទៀតផង៕

@roses_are_rosie

Best 10 minutes in tokyo.

♬ original sound - ROSÉ

ប្រភព៖: billboard

• រូបភាព
• តារាអន្តរជាតិ
• តារាកូរ៉េ