Lisa ដាក់ពីរប៉ុស្តិ៍នេះ ផ្អើលអស់ហ្វេនៗ សង្ស័យជិតចេញចម្រៀងថ្មី

កម្សាន្ត៖ តាំងពីចែកផ្លូវគ្នាជាមួយនឹងផលិតកម្ម YG Entertainment លើសកម្មភាពទោលរួចមក Lisa តែងតែត្រូវបានគេចាប់អារម្មណ៍ និងតាមដានកាន់តែខ្លាំង បន្ទាប់ពីបានឃើញថានាងចំណាយពេលនៅប្រទេសបារាំងច្រើន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះគេក៏បានឃើញ រូបនាងជាមួយនឹងបុរសដែលសង្ស័យថាជាមិត្តប្រុសគឺ Frederic Arnault នៅឯពិធីជប់លៀងមួយនៅឯទីក្រុង Miami រដ្ឋ Florida សហរដ្ឋអាមេរិកផងដែរ។

ស្របពេល Jennie ប្រកាសបើកផលិតកម្មផ្ទាល់ខ្លួនមានឈ្មោះថា ODDATELIER នោះ Lisa វិញហាក់ស្ងប់ស្ងាត់ពុំមានបង្ហើបថានាងចូលរួមជាមួយផលិតកម្មណានោះឡើយ ប៉ុន្តែថ្មីៗនេះ នាងបានចេញមកអង្រួនបេះដូងឲ្យអ្នកគាំទ្រឲ្យរំភើប បន្ទាប់ពីបង្ហោះរូបភាពសខ្មៅពីរសន្លឹក ដោយរូបមួយបាំងភ្នែកជិត ឯរូបមួយទៀតចេញភ្នែកតែម្ខាង មើលទៅពិតជាអាថ៌កំបាំងខ្លាំងណាស់។

តាមរយៈរូបភាពនេះ អ្នកគាំទ្រនាំគ្នាទស្សន៍ទាយថា Lisa អាចនឹងប្រកាសចេញចម្រៀងថ្មី ឬប្រកាសបើកផលិតកម្មថ្មីមួយដោយខ្លួនឯងដូច Jennie ប៉ុន្តែនេះគ្រាន់តែជាការស្មានប៉ុណ្ណោះ គឺត្រូវរង់ចាំការបញ្ជាក់ពីនាងជាផ្លូវការ នាថ្ងៃទី៨ខែកុម្ភៈយប់នេះ៕

ប្រភព៖: allkpop

• រូបភាព
• តារាថៃ
• តារាកូរ៉េ