ក្រោយលាក់មុខជិត២ឆ្នាំព្រោះករណី Bu.l.ly មិត្តរួមថ្នាក់ Kim Garam បង្ហាញវត្តមានធម្មតាដូចគ្មានអ្វីកើតឡើង

កូរ៉េខាងត្បូង៖​ ជឿជាក់ប្រិយមិត្តដែលគាំទ្រតារាចម្រៀង Kpop ច្បាស់ជានៅចាំករណីរបស់ Kim Garam ដែលជាអតីតសមាជិកក្រុម LE SSERAFIM ដែលនាងបានរងការចោទប្រកាន់ពាក់ព័ន្ធនឹងការធ្វើបាបមិត្តរួមថ្នាក់ និង មានអត្តចរិតពាលកាលពីនៅរៀន ដែលនាំឲ្យនាងត្រូវចាកចេញពីក្រុមកាលពីឆ្នាំ២០២២កន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ថ្មីៗនេះ Kim Garam ត្រូវបានគេរាយការណ៍ថា នាងបានបង្ហាញវត្តមានជាសាធារណៈនៅក្នុងថ្ងៃកម្មវិធីបញ្ចប់ការសិក្សាក្រោយពីបាត់មុខអស់ជិត២ឆ្នាំ។ គួរបញ្ជាក់ផងដែរថា អតីតតារាស្រីរូបនេះ ធ្លាប់ទទួលបានការចាប់អារម្មណ៍ជាខ្លាំងនៅក្នុងក្រុម LE SSERAFIM ដែលនាងមានភាពលេចធ្លោរជាងគេ។

ជាមួយនឹងការគាំទ្រដ៏ខ្លាំងក្លានេះ Garam ក៏ត្រូវទទួលបានការផ្ដោតចំពោះកំហុសរបស់នាងខ្លាំងជាងគេផងដែរ ដែលនាងមិនអាចស្រោចស្រង់បាន សូម្បីតែផលិតកម្មខិតខំជួយយ៉ាងណាក៏មហាជននៅតែមិនសុខចិត្ត រហូតដល់ HYPE ត្រូវផ្ដាច់កុងត្រាពីនាង។ 

តាមប្រភពបានឲ្យដឹងថា ក្រោយពីចេញពីសិល្បៈ Garam មានគំរោងនឹងរៀនបន្ដនៅឯ មហាវិទ្យាល័យសិល្បៈសម្ដែង នៅឯសាកលវិទ្យាល័យ Konkuk University's College of Art and Design៕

ប្រភព៖ allkpop

• រូបភាព
• តារាកូរ៉េ