សរុបឈ្មោះ តារាៗដែលបានចូលរួមព្រឹត្តិការណ៍ Super Bowl 2024 ក្នុងនោះមាន Taylor Swift, Justin Bieber, Lana Del Rey ជាដើម

អាមេរិក៖ នាថ្ងៃទី១២ខែកុម្ភៈ ឆ្នាំ២០២៤នេះ ជាកម្មវិធីថ្ងៃចុងក្រោយនៃព្រឹត្តិការណ៍ Super Bowl ឆ្នាំ ២០២៤ ដ៏ធំរបស់សហរដ្ឋអាមេរិក ដែលជាការប្រកួតផ្ដាច់ព្រ័ត្ររវាងក្រុមបាល់ឱបទាំងពីរ គឺ Kansas City Chiefs និង San Fransciso 49ers ប៉ះគ្នា នាឆ្នាំ២០២៤នេះ។ អ្នកឈ្នះក្នុងការប្រកួតវគ្គផ្ដាច់ព្រ័ត្រដ៏ធំនេះនឹងក្លាយជាម្ចាស់ពាន National Football League ប្រចាំរដូវកាល២០២៣។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គេសង្កេតឃើញថាឆ្នាំនេះក៏មានការរៀបចំឡើងយ៉ាងអធឹកអធមផងដែរ អមជាមួយនឹងការបង្ហាញខ្លួនរបស់តារាៗជាច្រើន ដែលចូលចិត្តទស្សនាការប្រកួតបាល់ឱបនេះ។ យ៉ាងណាមិញ ក្នុងឆ្នាំ២០២៤នេះដែរ កម្មវិធី Super Bowl បានអញ្ជើញលោក Asher មកសម្ដែងនៅម៉ោងសម្រាកតង់ មុននឹងការប្រកួតតង់ទី២ចាប់ផ្ដើម។

ក្រៅពី Asher ហើយនោះ ក៏មានតារាជាច្រើនមកចូលរួមក្នុងនាមជាភ្ញៀវ ឬអ្នកទស្សនារួមមាន Taylor Swift ដែលមកចូលរួមលើកទឹកចិត្តមិត្តប្រុស Travis Kelce ដែលជាកីឡាកររបស់ Kansas City Chiefs ផ្ទាល់ផងដែរ ដោយនាងអង្គុយជាមួយនឹង Blake Lively និង Ice Spice ។ ចំណែក Lana Del Rey ក៏មានវត្តមាន ក៏ដូចជា ស្វាមីនិងកូន​​​ស្រីរបស់ Beyonce ខណៈលោក Justin Bieber និងភរិយា Hailey Bieber ក៏បានមកទស្សនាដូចគ្នា៕  

ប្រភព៖: people

• រូបភាព
• តារាអន្តរជាតិ