អាមេរិក៖ នាមុននេះបន្តិច ក្រុមកីឡាបាល់ឱបអាមេរិក Kansas City Chiefs បានក្លាយជាជើងឯក National Football League ប្រចាំរដូវកាល២០២៣ហើយ បន្ទាប់ពីបានយកឈ្នះ San Francisco 49ers នៅការប្រកួត Super Bowl ឆ្នាំ២០២៤ នេះ។
ស្របពេលនឹងការអបអរសាទរយ៉ាងគគ្រឹកគគ្រេងពីសំណាក់អ្នកគាំទ្រនោះ គឺគេសង្កេតឃើញថា Taylor Swift ដែលបានមកលើកទឹកចិត្តមិត្តប្រុសរបស់នាង Travis Kelce ដែលជាកីឡាកររបស់ក្រុម Kansas City Chiefs នោះ បានបង្ហាញភាពផ្អែមល្ហែមជាមួយគ្នាក្រោយបញ្ចប់ការប្រកួត។
ក្រោយអាជ្ញាកណ្ដាលប្រកាសថា ម្ចាស់ពានបានទៅលើក្រុម Kansas City Chiefs នោះគឺ Taylor Swift បានរត់ទៅឱបមិត្តប្រុសដើម្បីអបអរ និងបានថើបគ្នាយ៉ាងផ្អែមល្ហែមទៀតផង នៅកណ្ដាលចំណោមមិត្តៗនិងក្រុមគ្រួសារកីឡាករដទៃទៀតដែលបានមកចូលរួមអបអរ។
ភ្លាមៗក្រោយរូបភាពនោះបានចែកចាយ អ្នកគាំទ្រពិតជារំភើបចិត្តនឹងទំនាក់ទំនងស្នេហារបស់ពួកគេណាស់ និងប្រាថ្នាចង់ឲ្យ Taylor កាន់តែមានក្ដីសុខជាមួយ Travis ។ គួរបញ្ជាក់ផងដែរថា អ្នកទាំងពីរបានទាក់ទងគ្នាតាំងពីខែកក្កដា ឆ្នាំ២០២៣ ម៉្លេះ៕
ប្រភព៖: pagesix
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
