Taylor និងមិត្តប្រុសរាំឱបគ្នា យ៉ាងល្អូកល្អឺនក្នុងពិធីជប់លៀង ក្រោយចប់ Super Bowl

អាមេរិក៖ ដូចដែលប្រិយមិត្តបានជ្រាបហើយថា កាលពីព្រឹកថ្ងៃទី១២ខែកុម្ភៈ ឆ្នាំ២០២៤ កន្លងទៅ (ឬស្មើនឹងយប់ថ្ងៃទី១១ខែកុម្ភៈ នៅអាមេរិក) គឺមានរៀបចំព្រឹត្តិការណ៍ Super Bowl ឆ្នាំ២០២៤ ដែលមានការចូលរួមយ៉ាងច្រើនពីសំណាក់តារាៗ ល្បីឈ្មោះ ក្នុងនោះក៏មាន Taylor Swift ដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នាងបានមកលើកទឹកចិត្តមិត្តប្រុស Travis Kelce ជាកីឡាករក្នុងក្រុម Kansas City Chiefs ដែលបានឈ្នះការប្រកួតទល់នឹង San Fransico 49ers និងក្លាយជាម្ចាស់ជើងឯក National Football League ឆ្នាំ២០២៣។

ដើម្បីជាការអបអរសាទរ Kansas City Chiefs បានរៀបចំពិធីជប់លៀងនៅពេលយប់បន្ទាប់ពីនោះ នៅឯក្លិបរាត្រី XS ដើម្បីអរគុណដល់កីឡាករទាំងអស់ហើយ Taylor ក៏បានចូលរួមផងដែរ ក្នុងនាមជាគូស្នេហ៍របស់ Travis ដោយអ្នកទាំងពីរមករាំឱបចង្កេះគ្នាយ៉ាងផ្អែមល្ហែម និងបានថើបគ្នាផងដែរ។

អ្នកទាំងពីរក៏បានរាំបទ "Love Story" , "Blank Space" និង " You Belong With Me" ផងដែរ ហើយ Taylor ពិតជាសប្បាយរីករាយខ្លាំងណាស់ ដែលនេះជាកាយវិការបញ្ជាក់ថា ពួកគេពិតជាល្អូកល្អឺនខ្លាំង៕

ប្រភព៖: pagesix

• រូបភាព
• តារាអន្តរជាតិ