ថ្ងៃ Valentine ទាំងមូល ស្វាមី Chompoo បង្កភាពភ្ញាក់​​ផ្អើល ដល់នាងបែបនេះ

ថៃ៖ មិនត្រឹមតែត្រូវបានហ្វេនៗជាច្រើន ចាប់អារម្មណ៍ទៅលើស្ទាយ៍ការបង្ហាញខ្លួនរបស់ តារាស្រី Chompoo Araya នោះទេ ប៉ុន្តែសម្រាប់រឿងរ៉ាវក្នុងទំនាក់ទំនងគ្រួសាររបស់នាង ក៏ត្រូវបានពួកគេយកចិត្តទុកដាក់ ជាពិសេស នៅពេលបានបង្ហាញភាពផ្អែមល្ហែម ក្ដីស្រលាញ់ ជាមួយនឹងស្វាមី នៅលើបណ្ដាញសង្គម ក្រោយពីសាងគ្រួសារនឹងគ្នាជាច្រើនឆ្នាំមកនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក នៅក្នុងឱកាសទិវានៃក្តីស្រលាញ់ឆ្នាំនេះ ដែលពោរពេញទៅដោយរូបភាពផ្អែមល្ហែមរបស់គូស្នេហ៍តារាល្បីៗជាច្រើនហើយនោះ ក្រឡេកមកមើល ពីគូស្វាមីភរិយា តារាស្រី Chompoo និងស្វាមី Nott Wisarut ក៏មិនចាញ់គូស្នេហ៍ដទៃនោះទេ ខណៈដែលស្វាមីរបស់នាង បានធ្វើឲ្យភរិយាជាទីស្រលាញ់ ភ្ញាក់ផ្អើល ដោយបានយកផ្កាកុលាបមួយបាច់ធំ អំឡុងពេលទៅហាត់ប្រាណ អមដោយការថើបថ្នមៗ ដែលនេះជាពេលវេលាដ៏រ៉ូមែទិក បំផុត ផងដែរ។

ហើយការបង្ហាញមួយនេះ ពិតជាបានធ្វើឲ្យអ្នកគាំទ្រ ពេញចិត្ត ដោយបានឃើញសកម្មភាពដែលកាន់តែ​ផ្អែមល្ហែម​ជាង​មុន​ទៅទៀត ប្រៀបដូចជា អ្នកទាំងពីរ កំពុងចែចង់គ្នាលើកដំបូងៗ ស្របពេលដែលបច្ចុប្បន្ន ពួកគេបានសាងគ្រួសារ មានកូនប្រុសស្រីដល់ទៅ ៣ នាក់ ផងដែរ៕

ប្រភព៖ Kapook

សូមទស្សនារូបភាពខាងក្រោម៖ 

• រូបភាព
• តារាថៃ