ទោះបែបធម្មតាៗ តែ Yaya និង Nadech អបអរថ្ងៃ Valentine លើកទី១២ ជាមួយគ្នា យ៉ាងផ្អែមល្ហែម

ថៃ៖ សម្រាប់ពេលវេលាដ៏ផ្អែមល្ហែមរបស់គូស្នេហ៍តារាសម្ដែងប្រុសស្រី Nadech និង Yaya Urassaya ក្នុងថ្ងៃបុណ្យនៃក្តីស្រលាញ់ឆ្នាំនេះ គឺនៅតែមានសម្រាប់ហ្វេនៗជាច្រើនបានទស្សនា ជាមួយនឹងការបង្ហាញក្ដីសុខរបស់ពួកគេ ក្រោយពីបានទាក់ទងគ្នាជាច្រើនឆ្នាំមកនេះ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាសម្ដែងប្រុស Nadech ដែល​បាន​បង្ហោះ​រូបភាពដ៏​ផ្អែម​ល្ហែម​ ក្នុង​ថ្ងៃ​បុណ្យ​នៃ​ក្តី​ស្រឡាញ់​ នៅលើបណ្ដាញសង្គម Instagram បើទោះបីជាយឺតមួយថ្ងៃក៏ពិតមែន ប៉ុន្តែភាពល្អូកល្អឺនរបស់លោក និងគូស្នេហ៍ ពិតជាមិនចាញ់គូស្នេហ៍ដទៃឡើយ ហើយឆ្នាំនេះ ក៏ជាឆ្នាំទី១២ របស់គូស្នេហ៍មួយគូនេះ ដែលប្រារព្ធពិធីជាមួយគ្នាទៀតផង។ 

មិនត្រឹមតែប៉ុណ្ណោះ ក្រោយពីបានឃើញបែបនេះហើយនោះ ហ្វេនៗជាច្រើន ក៏បានបង្ហាញភាពសប្បាយរីករាយ អបអរជាមួយនឹងគូស្នេហ៍អ្នកទាំងពីរ ដែលនៅតែបង្ហាញពី​កម្រិត​ភាព​ផ្អែម​ល្ហែម​​ខ្ពស់​ដូច​មុន​ ស្របពេលដែលនៅក្នុង​ឆ្នាំ​នេះ មាន​លក្ខណៈ​សាមញ្ញ​ក៏​ដោយ៕

ប្រភព៖ Sanook

សូមទស្សនារូបភាពខាងក្រោម៖ 

• រូបភាព
• តារាថៃ