មិនថានៅទីកន្លែងណាទេ Jennifer Lopez និងស្វាមី នៅតែអាចបង្ហាញភាពផ្អែមល្ហែមបាន

បរទេស៖ អាចនិយាយបានថា ចាប់តាំងពីបានរៀបការជាគូស្វាមីភរិយានឹងគ្នា តារាចម្រៀងស្រី Jennifer Lopez និងស្វាមី តារាសម្តែង Ben Affleck តែងតែបើកបង្ហាញពីសកម្មភាពដ៏ផ្អែមល្ហែម របស់ពួកគេ មិនថាពេលចូលរួមកម្មវិធីផ្សេងៗ ឬចេញមកកម្សាន្តជាលក្ខណៈឯកជននោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ថ្មីៗនេះ នៅលើកំរាលព្រំក្រហម នៅពេលដែលគូស្វាមីភរិយា តារាប្រុសស្រីទាំងពីររូបនេះ បានមកគាំទ្រការបញ្ចាំង «This Is Me... Now: A Love Story» នៅទីក្រុង Los Angeles កាលពីល្ងាចថ្ងៃទី ១៣ ខែកុម្ភៈកន្លងទៅនេះ ក៏បានទាញយកចំណាប់អារម្មណ៍ទៅលើការតុបតែងខ្លួនរបស់ពួកគេ ជាពិសេស ពីសកម្មភាពល្អូកល្អឺន យ៉ាងស្អិតរមួត។

ខណៈពេលកំពុង​ថត​រូប​លើ​កម្រាល​ព្រំ​ក្រហម តារា​សម្ដែង Ben Affleck បាន​ថើបភរិយាបណ្ដូលចិត្តរបស់ខ្លួន ពោរពេញដោយក្ដីស្រលាញ់ យ៉ាង​ផ្អែមល្ហែម ទៀតផង។ គួររំឮកផងដែរថា តារាសម្ដែងប្រុសរូប​នេះ ​បាន​បង្ហាញ​កាយវិការ​ស្រលាញ់​រាប់​អាន​ភរិយា​ជា​ច្រើន បន្ទាប់ពី​បាន​រៀប​ការ​ជិត​២​ឆ្នាំ​មក​ហើយ និងតែងតែ​ទៅ​ណា​មក​ណា​ជាមួយ​គ្នា​ក្នុង​កម្មវិធី​នានា ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ