មានការគាំងជាខ្លាំង! ពួយចំតំបន់សំខាន់ គ្រី ថៃពៅ អួលនិយាយលែងចេញ

ម្ចាស់ពាន់ Cambodian Idol រដូវកាលទី3 គ្រី ថៃពៅ បង្ហាញមុខយ៉ាងស្វាហាប់ក្នុងកម្មវិធីកម្សាន្តលំដាប់ពិភពលោក Killer Karaoke Cambodia រដូវកាលទី៧ កាលណីរាត្រីថ្ងៃព្រហស្បតិ៍នេះ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម្ចាស់បទ <ស្រលាញ់គេហើយមែនទេ> រូបនេះបានប្រែកាយជាដ្រាគូឡាខ្មោចឆៅជញ្ជក់ឈាមយ៉ាងហំហាន មកប្រយុទ្ធតតាំងជាមួយវិញ្ញាសាររន្ធត់ព្រឺព្រួចរបស់កម្មវិធីកម្សាន្តដ៏ល្បីមួយនេះ។

តែថាសឹងតែគ្រប់គ្នាហើយ អ្នកដែលមកដល់ទឹកដី Killer Karaoke គឺជឿជាក់បានតែដំបូងទេ ជាក់ស្តែងតារាចម្រៀងរូបសង្ហា គ្រី ថៃពៅ ក៏មិនខុសគ្នាដែរ ជាមួយនឹងវិញ្ញាសារ <កាដូស្នេហ៍> បានធ្វើឲ្យ គ្រី ថៃពៅ ឆ្លេឆ្លាស្ទើររកដកដង្ហើមមិនទាន់។

អ្វីដែលរឹតតែធ្វើឱ្យទប់សំណើចមិនបាននោះ គឺថាគប់ចុះគប់ឡើង ស្រាប់តែមានត្រប់ហោះស្ទុយសំដៅចំកន្លែងសំខាន់ គ្រី ថៃពៅ ធ្វើឲ្យលោកដួលដាច់ផ្ងារមួយទំហឹងតែម្តង។ យ៉ាងណាមិញទោះតស៊ូប្រយុទ្ធតទល់យ៉ាងរ៉ោករ៉ាកយ៉ាងណាក៏ដោយ គ្រី ថៃពៅ ក៏បានបញ្ចប់ទៅទាំងគ្រាំគ្រាក្រោមដោយសំណើចយ៉ាងក្អាក់ក្អាយ។

គួបញ្ជាក់ផងដែរថា កម្មវិធីកម្សាន្តដ៏ពេញនិយមកម្រិតពិភពលោក Killer Karaoke Cambodia រដូវកាលទី៧ ដែលមានផ្សាយជូនទស្សនារៀងរាល់ថ្ងៃព្រហស្បតិ៍ តាមរយៈទូរទស្សន៍ហង្សមាស HDTV ចាប់ពីម៉ោង ៨ យប់តទៅ៕

• រូបភាព
• តារាខ្មែរ