កម្សាន្ត៖ ប្រិយមិត្តដែលជាយុវវ័យ ពេញនិយមស្ដាប់បទចម្រៀង Pop បរទេស ច្បាស់ជាស្គាល់តារាចម្រៀងប្រុសស្រី២រូបនេះ The Weeknd និង Lana Da rey ដែលចម្រៀងពួកគេទទួលបានការស្រឡាញ់ចូលចិត្តពីអ្នកស្ដាប់ទូទាំងពិភពលោក។
ជាមួយគ្នានេះ តារាចម្រៀងទាំង២ខាងលើក៏ធ្លាប់បានសហការគ្នា ចេញចម្រៀងមួយបទរួមគ្នា ដែលមានចំណងជើងថា Lust for Life កាលពី៦ឆ្នាំមុន ដែលបទនេះ ផ្ទុះការគាំទ្រយ៉ាងខ្លាំងក្លា។ ទន្ទឹមនឹងនេះ អ្នកលេងបណ្ដាញសង្គមបាននាំគ្នាចែករំលែករូបភាពចាស់ៗរបស់ The Weeknd និង Lana ដែលពួកគេធ្លាប់បានថតស្និទស្នាលរួមគ្នា ក្នុងកំឡុងពេលថតវីដេអូចម្រៀង។
តាមរយៈរូបភាពទាំងនោះ បានធ្វើឲ្យអ្នកគាំទ្រក្នុងបណ្ដាញសង្គម មានការនឹករលឹក ចង់ឃើញអ្នកទាំងពីររូបនេះ ចេញចម្រៀងរួមគ្នាម្ដងទៀត។ គួរបញ្ជាក់ផងដែរថា តារាចម្រៀងប្រុស The Weeknd និង Lana Da rey គឺជាកំពូលតារាចម្រៀង Legend លំដាប់ពិភពលោក ដែលមនុស្សដែលស្ដាប់ចម្រៀងបរទេសមិនដែលរំលង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
