សរុបឈុតដែល Taylor Swift ស្លៀកនៅ The Eras Tour សុទ្ធតែស្អាតៗនិងប្រណីត

កម្សាន្ត៖ អ្នកណាៗថាមិនស្គាល់ Taylor Swift ដែលជាតារាចម្រៀងផបស្រីដ៏ល្បីល្បាញបំផុតមួយរបស់អាមេរិក ដែលនាងមិនត្រឹមតែមានទេពកោសល្យខាងច្រៀងទេ តែក៏ចេះលេងឧបករណ៍តន្ត្រីជាច្រើន ក៏ដូចជាតែងនិពន្ធទំនុកច្រៀងខ្លួនឯងផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រាល់អាល់ប៊ុម និងបទចម្រៀងដែលនាងបានចេញ សុទ្ធតែបង្កប់អត្ថន័យល្អៗ ទាំងជីវិតស្នេហា ក៏ដូចជាមេរៀនជីវិតផ្សេងៗ។ យ៉ាងណាមិញ នៅក្នុងឆ្នាំនេះក៏មិនខុសពីឆ្នាំ២០២៣ដែរ ដោយ Taylor កំពុងមមាញឹកនឹងការប្រគុំតន្ត្រីទេសចរណ៍ពិភពលោក "The Eras Tour" របស់នាង ដែលទើបតែបានសម្ដែងនៅទីក្រុង Melbourne ប្រទេសអូស្ត្រាលីដោយមានអ្នកគាំទ្រចូលមើលជិត១០ម៉ឺននាក់ ជាការប្រគុំតន្ត្រីដ៏ធំបំផុតមិនធ្លាប់មានរបស់នាង។

គេប៉ាន់ស្មានថា The Eras Tour អាចរកចំណូលឲ្យ Taylor បានដល់ទៅជាង៤ពាន់លានដុល្លារឯណោះ និងជាការប្រគុំតន្ត្រីទេសចរណ៍ដ៏ជោគជ័យ គឺបានយកឈ្នះការប្រគុំតន្ត្រី "Renaissance" របស់ Beyonce ទៀតផង។

បើក្រឡេកមកមើលទិដ្ឋភាពនៃការប្រគុំតន្ត្រី "The Eras Tour" នេះវិញគឺពិតជាអស្ចារ្យខ្លាំងណាស់ ជាមួយនឹងឆាកធំ ផ្ទាំង VCR ច្បាស់ៗល្អ ព្រមទាំងឧបករណ៍ទំនើបជាច្រើន ហើយអ្វីដែលលេចធ្លោបំផុតនោះគឺឈុតសម្លៀកបំពាក់ដ៏ស្រស់ស្អាតជាច្រើនម៉ូតរបស់ Taylor ដែលនាងបានស្លៀកពីការប្រគុំតន្ត្រីមួយទៅមួយ ដោយទទួលបានការសរសើរថា វាពិតជាស័ក្តិសមនឹងរូបរាងព្រមទាំងខនសិបតាមបទចម្រៀងនីមួយៗរបស់នាង៕  

ប្រភព៖: pagesix

• រូបភាព
• តារាអន្តរជាតិ