អតីតសមាជិក F.T. Island រូបនេះបានប្រកាសថា ខ្លួននឹងត្រៀម​​ខ្លួនចូលរោងការ​​​ហើយ

កូរ៉េខាងត្បូង៖ អតីតសមាជិកក្រុមចម្រៀង F.T. Island គឺ Seunghyun បានប្រកាសថារូបគេនឹងរៀបអាពាហ៍ពិពាហ៍ ក្រោយចាកចេញពីវិស័យសិល្បៈនៅកូរ៉េ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅថ្ងៃទី១៩ខែកុម្ភៈកន្លងទៅនេះ មានរបាយការណ៍មួយបានបញ្ជាក់ថា Seunghyun នឹងរៀបការជាមួយនឹងនារីដែលជាមិត្តស្រីយូរអង្វែងរបស់លោក ហើយពេលនេះរូបគេក៏កំពុងមមាញឹកនឹងការរៀបចំពិធីអាពាហ៍ពិពាហ៍ផងដែរ ដែលពិធីនេះនឹងប្រារព្ធទៅនៅឯ តំបន់កាងណាំ ទីក្រុងសេអ៊ូល។

បន្ទាប់ពីចាកចេញពីវិស័យតន្ត្រីនិងរៀបការរួច Seunghyun នឹងបន្តវេនពីឪពុករបស់ខ្លួនលើវិស័យជំនួញវិញម្ដង ដោយអាចនឹងផ្លាស់ប្ដូរទីលំនៅទៅរស់នៅឯក្រៅប្រទេសផងដែរ។

គួរបញ្ជាក់ផងដែរថា Seunghyun បានក្លាយជាសមាជិកក្រុម F.T. Island កាលពីឆ្នាំ២០០៩ ដោយធ្វើជាដៃហ្គីតា បន្ទាប់មកក៏បានក្លាយជាតារាសម្ដែងផងដែរ៕

ប្រភព៖: allkpop

• រូបភាព
• តារាកូរ៉េ