រឿងភាគកំពុងល្បី "Marry My Husband" បានមកដល់ភាគបញ្ចប់ហើយ ខណៈតួអង្គទាំងពីរផ្អែមល្ហែមក្នុងឈុតរៀបការ

កូរ៉េខាងត្បូង៖ ជឿជាក់ថាប្រិយមិត្តដែលចូលចិត្តតាមដានរឿងភាគកូរ៉េ K-Drama ប្រាកដជាបានស្គាល់រឿងភាគកំពុងល្បីនៅ tvN ឈ្មោះថា "Marry My Husband" ហើយដែលរឿងនេះបានឈានមកដល់ភាគបញ្ចប់ កាលពីយប់ថ្ងៃទី២០ខែកុម្ភៈកន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ឆ្លងកាត់១៦ភាគកន្លងមក សាច់រឿងចុងបញ្ចប់នៃរឿងភាគដ៏ល្បីឈ្មោះគឺពោរពេញដោយស្នាមញញិមនិងសុភមង្គល បន្ទាប់ពីតួអង្គឯកទាំងពីរគឺ Kang Ji Won (សម្ដែងដោយ Park Min Young) និង Yoo Ji Hyuk (សម្ដែងដោយ Na In Woo) បានរៀបអាពាហ៍ពិពាហ៍សាងគ្រួសារជាមួយគ្នាយ៉ាងមានសុភមង្គល ដោយទទួលបានចំណងដៃកូនភ្លោះទៀតផង។

យ៉ាងណាមិញ បើនិយាយពីតួអង្គអាក្រក់ក្នុងរឿងនេះវិញដូចជា Jung Soo Min (សម្ដែងដោយ Song Ha Yoon) បានជាប់ពន្ធនាគារ ក្រោយបានសម្លាប់ស្វាមីរបស់នាង Park Min Hwan (សម្ដែងដោយ Lee Yi Kyung) ខណដែល Oh Yu RA (សម្ដែងដោយ BoA) បានស្លាប់ដោយសារគ្រោះថ្នាក់ចរាចរណ៍មុនពេលត្រូវប៉ូលិសចាប់ពីបទចង់ប៉ុនប៉ងសម្លាប់ Kang Ji Won ។

ទន្ទឹមនឹង Happy Ending នេះដែរ ខាង tvN ក៏បានទម្លាក់រូបភាព Pre-Wedding របស់ តួអង្គទាំងពីរទៀតផង ដែលតារាសម្ដែងទាំងពីរពិតជាដើរតួបានយ៉ាងស័ក្តិសមខ្លាំង រហូតទទួលបានការសរសើរពីសំណាក់ទស្សនិកជន៕

ប្រភព៖: allkpop

• រូបភាព
• តារាកូរ៉េ