ថតជាមួយគ្នាអ៊ីចឹងទៅ Taeyeon និង Winter ដូចកូនភ្លោះ

ជប៉ុន៖ កាលពីយប់ថ្ងៃទី២១ខែកុម្ភៈកន្លងទៅនេះ ផលិតកម្ម SM Entertainment បានធ្វើការប្រគុំតន្ត្រី "SM TOWN LIVE" នៅឯកីឡដ្ឋាន Tokyo Dome នាប្រទេសជប៉ុន ដោយប្រាកដណាស់ថាមានសិល្បៈករល្បីៗរបស់ SM ចូលរួមជាច្រើនក្រុម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងការសម្ដែងបទចម្រៀងទាំងចង្វាក់ស្ល៊ូនិងញាក់កន្ត្រាក់អារម្មណ៍ គេឃើញថាសិល្បកររបស់ SM គឺដូចជាក្រុមគ្រួសារមួយអ៊ីចឹងគឺមានភាពរួសរាយរាក់ទាក់និងស្និទ្ធស្នាលគ្នាណាស់។

ជាក់ស្ដែង Taeyeon មេក្រុម Girls' Generation ដែលចូលរួមសម្ដែងក្នុងការប្រគុំតន្ត្រីនេះដែរនោះ បានថតរូបជាមួយនឹង Winter សមាជិកក្រុម aespa នៅក្នុងកម្មវិធីច្រៀងបិទខនសឺត ដែលតារាទាំងអស់តម្រូវឲ្យចេញមកច្រៀងរួមគ្នា។

ក្រៅពីនោះ Taeyeon និង Winter ក៏បានថតការរាំ Challenge នៅក្នុង Tiktok ទៀតផង តែយ៉ាងណាមិញ ពេលអ្នកទាំងពីរឈរជិតគ្នាអ៊ីចឹងទៅ អ្នកគាំទ្រសរសើរថាពួកគេមានផ្ទៃមុខស្រដៀងគ្នាខ្លាំងណាស់ សឹងតែច្រឡំថាជាមនុស្សតែមួយ ហើយក៏ស្រស់ស្អាតខ្លាំងទាំងពីរនាក់៕  

ប្រភព៖: allkpop

• រូបភាព
• តារាកូរ៉េ