Kim Jaejoong នឹង​បង្ហាញ​ខ្លួន​ក្នុង​កម្មវិធីសាធារណៈ ​ជា​លើក​ដំបូង​ក្នុង​រយៈ​ពេល ១៥ ឆ្នាំ

កូរ៉េខាត្បូង៖ នៅថ្ងៃទី ២៣ ខែកុម្ភៈ ប្រភពមួយ នៅខាងក្នុង ឧស្សាហកម្មកម្សាន្តកូរ៉េ បានរាយការណ៍ថា Kim Jaejoong បានបញ្ចប់ការថតក្នុងកម្មវិធីរបស់ KBS2 «Fun-staurant» កាលពីថ្មីៗនេះ។

ជាការឆ្លើយតបទៅនឹងរបាយការណ៍នេះ ប្រភពពី «Fun-staurant» បានចែករំលែកថា វាជាការពិតដែល Kim Jaejoong បានចូលរួមក្នុងការថតកម្មវិធីរបស់ខ្លួន យ៉ាងណាមិញ កាលវិភាគចាក់ផ្សាយមិនទាន់ត្រូវបានសម្រេចនៅឡើយទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នេះជាការបង្ហាញខ្លួនលើកដំបូងរបស់ Kim Jaejoong នៅលើកម្មវិធីទូរទស្សន៍សាធារណៈរបស់ស្ថានីយ៍ទូរទស្សន៍ ចាប់តាំងពីលោកបានដាក់ពាក្យប្ដឹងប្រឆាំងនឹង SM Entertainment ក្នុងឆ្នាំ ២០០៩ ដើម្បីព្យួរកិច្ចសន្យាផ្តាច់មុខរបស់លោក។

បន្ទាប់​ពី​ចាក​ចេញ​ពី TVXQ លោក​បាន​ពង្រីក​អាជីព​ជា​តារា​សម្តែង​ដោយ​សម្តែង​ក្នុង​រឿង​ភាគ​ផ្សេងៗ​រួម​មាន “Protect the Boss” “Dr. Jin, “Triangle,” “Spy,” និង “Manhole” ប៉ុន្តែ​មិន​ដែល​បាន​បង្ហាញ​ខ្លួន​នៅ​ក្នុង​កម្មវិធី​ទូរទស្សន៍​ជា​សាធារណៈ​ណា​មួយ​នោះទេ៕

ប្រភព៖ Soompi

• តារាកូរ៉េ