ម៉ាក់​​​ៗ​​​ដ៏​​ល្អ Jennifer Lopez នាំកូនភ្លោះទៅកម្សាន្ត អបអរខួបកំណើត ១៦ឆ្នាំ

បរទេស៖ តារាចម្រៀង Jennifer Lopez បានប្រារព្ធពិធីខួបកំណើតគម្រប់ ១៦ ឆ្នាំរបស់កូនភ្លោះទាំងពីរនាក់របស់នាង Max និង Emme នៅទីក្រុងតូក្យូ ជាមួយនឹងការចងចាំដ៏គួរឱ្យចាប់អារម្មណ៍ជាច្រើន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅថ្ងៃទី ២៣ ខែកុម្ភៈកន្លងទៅនេះ តារាចម្រៀងស្រី Jennifer Lopez បានចែករំលែកវីដេអូដែលចាប់យករូបភាពពីការធ្វើដំណើររបស់នាង ជាមួយកូនភ្លោះរបស់ខ្លួន ដោយនៅក្នុងនោះ បានលើកឡើងថា បងប្អូនទាំងពីរនាក់នេះ ពិតជារំភើបចិត្តយ៉ាងខ្លាំងចំពោះដំណើរកម្សាន្តដ៏ពិសេសរបស់ពួកគេទៅកាន់អាស៊ី ខណៈដែល ស្វាមីបច្ចុប្បន្នរបស់នាង តារាសម្តែង Ben Affleck មិនបានចូលរួមនោះទេ។

មិនត្រឹមតែប៉ុណ្ណោះ​ នៅលើ Instagram តារាវ័យ ៥៤ ឆ្នាំរូបនេះបានផ្ញើពាក្យជូនពរដ៏ផ្អែមល្ហែមដល់កូនពីរនាក់របស់នាងដោយបានរៀបរាប់ថា «រីករាយថ្ងៃកំណើត My Coconuts ខ្ញុំស្រឡាញ់អ្នក» ។

គួរឲ្យរំឮកផងដែថា Max និង Emme គឺជាកូនរបស់ Jennifer Lopez ជាមួយអតីតស្វាមី តារាចម្រៀង Marc Anthony ដែលកើតនៅថ្ងៃទី ២២ ខែកុម្ភៈ ឆ្នាំ ២០០៨  ហើយ បន្ទាប់ពីឪពុកម្តាយបានលែងលះគ្នាក្នុងឆ្នាំ ២០១១ កូនភ្លោះទាំងពីរបានរស់នៅជាមួយម្តាយរបស់ពួកគេ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ