រូបភាពថ្មី Selena កាន់តែបង្ហាញពីភាពផ្អែមល្ហែម ​ជាមួយគូស្នេហ៍

បរទេស៖ ធ្វើឲ្យហ្វេនៗជាច្រើន កាន់តែចាប់អារម្មណ៍ ក្រោយពីតារាចម្រៀងវ័យ ៣១ ឆ្នាំ Selena Gomez និងគូស្នេហ៍ ផលិតករតន្ត្រី Benny Blanco កានតែបង្ហាញទំនាក់ទំនងស្នេហាល្អូកល្អឺនជាមួយគ្នាពេលកំពុងញ៉ាំអាហារនៅភោជនីយដ្ឋានមួយ កាលពីថ្ងៃទី ២២ ខែកុម្ភៈ ប៉ុន្មានម៉ោងបន្ទាប់ពី នាងបានចេញបទចម្រៀងថ្មី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តាមរយៈរូបថត​ដែល​បង្ហោះ​ដោយ​គេហទំព័រ​ព័ត៌មាន X17 បានបង្ហាញឲ្យឃើញថា តារាចម្រៀងស្រី Selena មើល​ទៅ​ពោរពេញ​ដោយ​ក្ដី​ស្រឡាញ់ និង​ក្ដី​រីករាយ ដោយនាង​បាន​កាន់​ដៃ​មិត្ត​ប្រុស​របស់​ខ្លួន ​នៅពេល​ដែលមិត្តប្រុសនាង បាន​ឱប​ចង្កេះ​នាង​នៅ​ផ្លូវ​ទៅ​ភោជនីយដ្ឋាន និងបានស្លៀក​សម្លៀក​បំពាក់​យ៉ាងសាមញ្ញ ក្នុង​ថ្ងៃ​ណាត់​ជួប ទៀតផង។

យ៉ាងណាមិញ កាលពីមុនមកនេះ Selena Gomez ក៏ធ្លាប់បានចែករំលែកជាមួយអ្នកគាំទ្រថា គូស្នេហ៍របស់ខ្លួន លោក Benny Blanco គឺជាមិត្តប្រុសដ៏ល្អបំផុតរបស់នាង ដោយនាង ក៏តែងតែបង្ហោះរូបភាពរបស់គូស្នេហ៍ នៅលើ Instagram និងបង្ហាញពីសុភមង្គលក្នុងស្នេហាថ្មីរបស់ខ្លួន ផងដែរ៕ 

ប្រភព៖ Ngoisao.net

សូមទស្សនារូបភាពខាងក្រោម៖

• រូបភាព
• តារាអន្តរជាតិ