ផ្អែមល្ហែមណាស់! Gigi បណ្ដើរគូស្នេហ៍ ចេញដើរទិញអីវ៉ាន់ជាមួយគ្នាឡើងហ្វេនច្រណែន

អាមេរិក៖ Gigi Hadid គឺជាតារាបង្ហាញម៉ូតស្រីដ៏ល្បីឈ្មោះម្នាក់ ដែលជាអ្នកម្ដាយកូន១ទៅហើយ តែនាងនៅតែទទួលបានការចាប់អារម្មណ៍ខ្លាំង ជាពិសេសពេលប្រកាសទាក់ទងគ្នានឹងលោក Bradley Cooper ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជារឿយៗ អ្នកទាំងពីរតែងតែចេញមកបង្ហាញភាពផ្អែមល្ហែម ហើយម្ដងនេះមិនខុសពីគ្នា ក្រោយគេបានប្រទះឃើញអ្នកទាំងពីរបានដើរទិញទំនិញជាមួយគ្នា យ៉ាងល្អូកល្អឺន។ មុនឈានដល់ការដើរទិញទំនិញ Gigi បាននាំលោក Bradley ទៅទទួលទានអាហារពេលព្រឹកនៅ Corner Bar មុននឹងទៅ Guest in Residence ជាបន្ទាប់។

Gigi បានស្លៀកខោខោប៊យជើងប៉ាត់ គូជាមួយអាវយឺតពណ៌ស និងពាក់ពីលើដោយអាវរងាចាក់ពណ៌ត្នោតចាស់ ព្រមទាំងវ៉ែនតាការពារកម្ដៅថ្ងៃ ខណៈដែលសក់នាងបានលើកបួងដូចរាល់ដង ឯចំណែក Bradley វិញពាក់អាវ Hoodie ពណ៌ខ្មៅ និងខោខ្មៅ ព្រមទាំងមួកចាក់ផងដែរ៕  

ប្រភព៖: pagesix

• រូបភាព
• តារាអន្តរជាតិ