កូរ៉េខាងត្បូង៖ ប្រិយមិត្តដែលនិយមទស្សនារឿងភាគកូរ៉េច្បាស់ជាមិនរំលងរឿង Marry my husband ដែលកំពុងតែទទួលបានការគាំទ្រយ៉ាងខ្លាំងក្លាពីសំណាក់ទស្សនិកជន តាមរយៈសាច់រឿងដ៏ល្អ ថែមជាមួយនឹងការសម្ដែងដ៏សមឥតខ្ចោះរបស់តួអង្គនីមួយៗ។
![](https://s9.kh1.co/43/433df8a1f3eb1b11c395c6393c221be019c29284.jpg)
ជាពិសេស ចំពោះតារាសម្ដែង លោក Lee Yi Kyung ត្រូវបានទស្សនិកជនបង្ហាញអារម្មណ៍ភ្ញាក់ផ្អើលជាមួយនឹងការសម្ដែងដ៏អស្ចារ្យជាតួអង្គ Park Min Hwan ជាតួចិត្តអាក្រក់ ដែលមានអត្តចរិតគួរឲ្យស្អប់ ធ្វើឲ្យអ្នកទស្សនាឃើញហើយទប់អារម្មណ៍មិនខឹងមិនស្អប់មិនបាន។
![](https://s9.kh1.co/7d/7da81d79dbb0598e36f37188feb7c12a36b97c57.jpg)
មិនតែប៉ុណ្នោះ តារាប្រុសរូបនេះ បានទម្លាយនៅក្នុងកម្មវិធីទូទស្សន៍មួយថា លោកត្រូវបានមហាជនបង្ហាញអារម្មណ៍ស្អប់ខ្ពើម នៅពេលដែលឃើញមុខលោកនៅខាងក្រៅ។ លើសពីនោះ Yi Kyung បាននិយាយទៀតថា សូម្បីតែអ្នកជិតខាងលោក ដែលស្គាល់លោក ក៏បង្ហាញកំហឹង ដោយពួកគេគ្រាន់តែឃើញមុខលោកភ្លាម ជេរថា អាចង្រៃភ្លាមតែម្ដង។
![](https://s9.kh1.co/b4/b48329d87d298623bf6a5b3445d5f568963b81db.jpg)
ជាមួយគ្នានេះ តារាសម្ដែង Lee Yi Kyung បានចាត់ទុកថា វាជារឿងល្អទៅវិញ ព្រោះកំហឹងរបស់ទស្សនិកជន បង្ហាញថា លោកជាតារាសម្ដែងដ៏ល្អ ដែលអាចធ្វើឲ្យអ្នកទស្សនាដិតអារម្មណ៍ជាមួយការសម្ដែងរបស់លោក។ លោកថា ប្រជាលោកគឺជា តួអាក្រក់ ដែលសប្បាយចិត្តជាងគេក្នុងលោក ដែលត្រូវបានមហាជនជួបមុខជេររហូតបែបនេះ។
![](https://s9.kh1.co/4b/4ba44d4982514ad08282b27ce0878cfbdfabd6d0.jpg)
ផ្ទុយមកវិញ តួអង្គ Min Hwan ក៏បានបកស្រាយថា វាគ្រាន់តែជាតួអង្គប៉ុណ្នោះ ចរិតលោកនៅក្រៅ មានសណ្ដានចិត្តល្អ ខុសដាច់ពីក្នុងរឿងស្រឡះ ហើយប្រិយមិត្តក៏ដឹងដែរថា រូបលោកជាតារាសម្ដែងនៅក្នុងរឿងកំប្លែងៗជាច្រើនដូចជា welcome to waikiki ជាដើម៕
![](https://s9.kh1.co/4b/4b8b4bd20f56e8a86c2ecad25ce01445c79484fd.jpg)
ប្រភព៖ Viu Singapore
![](https://s9.kh1.co/ec/ec87c334fffa462c97ef9f621ab03944fb3b66e9.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]