Jennie បង្ហាញរាងស្រឡូនយ៉ាងជឿ​​​ជាក់ ក្នុងរូបភាពថ្មី ធ្វើឲ្យហ្វេនចំហមាត់

កូរ៉េខាងត្បូង៖ Jennie Kim មិនត្រឹមតែជាតារាចម្រៀងល្បីឈ្មោះប្រចាំក្រុមចម្រៀងនារី BLACKPINK ទេតែនាងក៏ចាត់ទុកថាជាអ្នកមានឥទ្ធិពលក្នុងវិស័យម៉ូតផងដែរ ព្រោះជារឿយៗនាងតែងតែបញ្ចេញនូវម៉ូតនៃការតុបតែងខ្លួនថ្មីៗរហូតបង្កើតជា Trend ឲ្យមហាជននាំគ្នាធ្វើតាម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក រូបភាពថ្មីប៉ុន្មានសន្លឹករបស់ Jennie ថតផ្សព្វផ្សាយឲ្យម៉ាកយីហោ Calvin Klein សម្រាប់ Spring 2024 Campaign កំពុងទទួលបានការចាប់អារម្មណ៍ខ្លាំងពីអ្នកគាំទ្រ ដោយសារតែ Jennie បានបញ្ចេញរាងដ៏ស្រឡៅស្រឡូនរបស់នាងក្នុងឈុតអាវទ្រនាប់និងខោទ្រនាប់ថ្មីរបស់ម៉ាកយីហោនេះ។ ក្រៅពីនេះ នាងក៏បានថតបង្ហាញពីអាវយឺតវាលក និងសំពត់ដ៏ស្រស់ស្អាតផងដែរ។

Jennie ក៏បានតុបតែងមុខបែបកាចៗ និងទម្លាក់សក់ធម្មតា និងថតកាច់រាងគ្រប់ស្ទាយ៍ ដែលធ្វើឲ្យមើលទៅស្រស់ស្អាត ជឿជាក់ ទាក់ទាញ និងមានអំណាចខ្លាំងណាស់ ដែលរូបភាពទាំងនេះ សុទ្ធសឹងតែទទួលបានការសរសើរថានាងពិតជាលេងទឹកមុខសមមែនទែន៕  

ប្រភព៖: allkpop

• រូបភាព
• តារាកូរ៉េ