បារាំង៖ បើទោះបីជាចាកចេញពីផលិតកម្ម YG Entertainment ហើយតែ Rosé នៅតែមមាញឹកជាមួយនឹងកាលវិភាគនានារបស់នាង ដែលក្រៅពីបង្ហើបគម្រោងចង់ចេញបទចម្រៀងថ្មីហើយ Rosé ក៏ទើបតែបានបង្ហាញមុខនៅកម្មវិធីដើរម៉ូតរបស់ Yves Saint-Laurent ដែលរៀបចំក្នុងព្រឹត្តិការណ៍ Paris Fashion Week នាថ្ងៃទី២៧ខែកុម្ភៈផងដែរ។
ក្នុងកម្មវិធីនេះ Rosé នៅតែទទួលបានការចាប់អារម្មណ៍ខ្លាំងជាងតារាផ្សេងៗដែលបានមកចូលរួម ដោយសារតែការតុបតែងខ្លួនដ៏ស្រស់ស្អាតនិងទាន់សម័យរបស់នាង។
ក្នុងនោះ នាងបានលេងស្ទាយ៍ស្លៀករ៉ូបពណ៌ក្រម៉ៅ ដែលមានសភាពស្ដើងអាចមើលធ្លុះដល់រាងរៅខាងក្នុង ជារ៉ូបបែបមានស្បៃៗវែងអូសដល់ដី ដែលក្នុងនោះ នាងក៏បានពាក់វ៉ែនតាការពារកម្ដៅថ្ងៃពណ៌ខ្មៅយ៉ាងទាន់សម័យ គូជាមួយនឹងស្ទាយ៍សក់សិតរាបទៅក្រោយសាមញ្ញៗ។
ការតុបតែងរបស់នាងលើកនេះ ទទួលបានការកោតសរសើរពីអ្នកគាំទ្រថាស្អាតប្លែកម្យ៉ាង និងជះចំហាយជាអ្នកនាងមកពីត្រកូលអភិជន ព្រោះមិនថានាងធ្វើអីទេ គឺតែងតែមើលទៅស្រស់ស្អាតថ្លៃថ្នូរជានិច្ច៕
ប្រភព៖: allkpop
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
