កូរ៉េខាងត្បូង៖ ដូចដែលប្រិយមិត្តបានជ្រាបហើយថា Jennie គឺជាតារាចម្រៀងដ៏ល្បីរន្ទឺម្នាក់ នៅក្នុងក្រុមចម្រៀងនារី BLACKPINK ហើយថ្មីៗនេះនាងបានប្រកាសបើកផលិតកម្មផ្ទាល់ខ្លួនឈ្មោះ "ODD ATELIER" បន្ទាប់ពីផុតកុងត្រាជាមួយ YG Entertainment រួចមក ដែលនេះធ្វើឲ្យនាងក្លាយជា តារាចម្រៀងផង និង ម្ចាស់ក្រុមហ៊ុនផង។
ថ្មីៗនេះ Jennie បានទម្លាក់ Vlog ថ្មីដែលនាងថតរៀបរាប់ពីសកម្មភាពរយៈពេលមួយថ្ងៃរបស់នាងឬ "A Day in My Life" ចែកជូនអ្នកគាំទ្រដែលចង់ដឹងថាជីវិតនាងរវល់យ៉ាងម៉េចខ្លះ។
ក្នុងនោះ នាងបានរៀបរាប់នៅក្នុងវីដេអូថា ដោយសារឥឡូវនេះនាងទទួលថតកម្មវិធី "Apartment 404" គឺមានន័យថានាងត្រូវក្រោកពីព្រឹកខ្លាំងដើម្បីរៀបចំតុបតែងខ្លួន ដោយចាប់ផ្ដើមការថតពីម៉ោង៦ព្រឹក ដល់ម៉ោង៤ល្ងាចទើបចប់។ អំឡុងពេលនៅក្នុងឡាន នាងបាននិយាយថានាងនឹងត្រឡប់ទៅផ្ទះប្ដូរខោអាវសិន ហើយនឹងចូលក្រុមហ៊ុន (ODD ATELIER) និងពិនិត្យឯកសារក្នុងនាមជា CEO បន្ទាប់មកនៅម៉ោង ៨:៤០នាទីយប់ នាងនឹងហៅមិត្តភក្តិមកមើលភាគដំបូងនៃកម្មវិធី "Apartment 404" ដែលបានចាក់ផ្សាយ។ នាងបានបង្ហើបថានាងនឹងឆ្លៀតគេងបាន១ម៉ោងនៅក្នុងឡានទៀតផង។
ក្រោយពីបានឃើញវីដេអូ Vlog របស់នាង អ្នកគាំទ្រមានការកោតសរសើរដែល Jennie មានការប្ដេជ្ញានិងឆន្ទៈក្នុងការបំពេញការងាររបស់នាងមិនថាក្នុងនាមជាតារាចម្រៀង និង CEO៕
ប្រភព៖: koreaboo
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
