ផ្អែមណាស់ Gigi បណ្ដើរមិត្តប្រុសអាយុក្បែរ៥០ មកញ៉ាំអាហារនៅភោជនីយដ្ឋាន ឡើងមានក្ដីសុខ

អាមេរិក៖ ទំនាក់ទំនងស្នេហាខុសវ័យរវាងតារាស្រីម៉ូដែល Gigi Hadid និងមិត្តប្រុស Bradley Cooper ដែលជាតារាសម្ដែងមានអាយុក្បែរ៥០ឆ្នាំហើយនោះ មើលទៅនៅតែរក្សាភាពផ្អែមល្អែម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង កាលពីថ្ងៃទី២៧ខែកុម្ភៈកន្លងទៅនេះ Gigi បានបណ្ដើរមិត្តប្រុសចេញមកទទួលទានអាហារពេលព្រឹកជុំគ្នា នៅភោជនីយដ្ឋានមួយកន្លែងឈ្មោះថា Breakfast at Salts' Cure ដោយមានមិត្តភក្តិចូលរួមផងដែរ។

ក្នុងរូបភាពដែលចែករំលែកនៅលើបណ្ដាញសង្គម គេមើលឃើញថាអ្នកទាំងពីរបានអង្គុយជាប់គ្នា មើលទៅស្អិតរមួតណាស់ ហើយ Gigi ថែមទាំងបានចាប់ករបស់ Bradley ពីក្រោយនិងឱបស្មា ដែលសុទ្ធសឹងជាកាយវិការបញ្ជាក់ថានាងកំពុងមានក្ដីសុខខ្លាំងប៉ុណ្ណា។

គួរបញ្ជាក់ផងដែរថា អ្នកម្ដាយកូនមួយរូបនេះបានទាក់ទងលោក Bradley Cooper កាលពីខែតុលាឆ្នាំ២០២៣ ដោយគេថតបានថាអ្នកទាំងពីរបានទៅទទួលទានអាហារពេលល្ងាចជាមួយគ្នានៅក្រុងញ៉ូវយ៉ក៕  

ប្រភព៖: pagesix

• រូបភាព
• តារាអន្តរជាតិ