អាយុ៣៣ឆ្នាំហើយ តែ ចាង ស៊ីប៊ីយុ នៅតែស្រស់ស្អាតបែបទន់ភ្លន់

កូរ៉េខាងត្បូង៖ Yoona ដែលជាសមាជិកម្នាក់របស់ក្រុមចម្រៀងនារី Girls' Generation ឬអ្នកគាំទ្រនៅកម្ពុជាស្គាល់តាមឈ្មោះ "ចាង ស៊ីប៊ីយុ" ជាតួអង្គស្រីសម្ដែងក្នុងរឿងភាគល្បី "អូនជាបេះដូងបង" នោះ គឺជាតារាម្នាក់ ដែលត្រូវបានគេសរសើរជារឿយៗពីភាពទន់ភ្លន់ រួសរាយរាក់ទាក់ របស់នាង ហើយសូម្បីតារាក្មេងៗជំនាន់ក្រោយ ក៏នាំគ្នាយកគម្រូតាមអត្តចរិតរបស់នាងផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើនិយាយពីសម្រស់វិញ Yoona រឹតតែមើលទៅសាច់ចាំ មិនចេះចាស់សោះព្រោះមកទល់ពេលនេះ នាងមានអាយុ៣៣ឆ្នាំហើយ តែសម្រស់នៅតែស្អាតដូចក្មេងស្រីវ័យជំទង់ ហើយស្បែក​​ក៏គ្មានស្នាមយារធ្លាក់ ឬជ្រួញ​​​សូម្បីបន្តិច។

ថ្មីៗនេះ នាងបានក្លាយជាចំណុចចាប់អារម្មណ៍របស់អ្នកគាំទ្រសាជាថ្មី ក្រោយបង្ហាញខ្លួននៅព្រលានយន្តហោះអន្តរជាតិ អ៊ីនឆន ត្រៀមធ្វើដំណើរទៅចួបជុំអ្នកគាំទ្រនៅប្រទេសហ្វីលីពីន ដោយក្នុងនោះនាងបានស្លៀកអាវគ្រ័រហ្សេធំ ពណ៌ទឹកប៊ិចចាស់ និងអាវសឺមីពណ៌ស ឯសក់វិញក៏ទម្លាក់គ្មានម៉ូតច្រើន សូម្បីផ្ទៃមុខក៏ផាត់បែបស្រាលៗ មើលទៅពិតជាស្រស់ស្អាតបែបទន់ភ្លន់ សមជាមួយនឹងអត្តចរិតរបស់នាង៕  

ប្រភព៖: koreaboo

• រូបភាព
• តារាកូរ៉េ