មកមើលទិដ្ឋភាពផ្ទះ Anne ឡើងស្រស់ស្អាត គួរឲ្យចង់រស់នៅ

ថៃ៖ ក្រៅពីការងារនៅក្នុងសិល្បៈដែលទទួលបានប្រជាប្រិយភាព និងការគាំទ្រពីទស្សនិកជនជាច្រើនហើយនោះតារាសម្ដែងស្រី និងជាអ្នកដឹកនាំរឿង Anne Thongprasom ក៏ត្រូវបានហ្វេនៗចូលចិត្តតាមដាន ពីជីវិតរស់នៅឯកជន ក៏ដូចជាសកម្មភាពផ្សេងៗទៀត ជាពិសេសថ្មីៗនេះ នាងក៏បានបើកបង្ហាញពីទិដ្ឋភាពនៅក្នុងផ្ទះ ឲ្យហ្វេនៗបានទស្សនាកម្សាន្ត ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាស្រី Anne ក៏បាន​បង្ហើប​ថា​ ពីមុន​នេះ​គឹតែង​តែ​ឃើញ​នាង​នៅ​ខុនដូ តែពេលនេះ នាងបានរើផ្ទះជាផ្លូវការហើយ ដែលតាមពិតទៅ គឺជាផ្ទះចាស់ដែលមានអាយុជាង ៣០ ទៅ ៤០ ឆ្នាំហើយ ប៉ុន្តែនាងចូលចិត្ត ការរចនាបែបដើម និងរូបរាងបែបបុរាណ ដូច្នេះ ការរចនាសម្ព័ន្ធចាស់ត្រូវបានរក្សាទុក និងបានសាងសង់ផ្នែកខ្លះឡើងវិញ ដែលជាការ​លាយ​បញ្ចូល​គ្នា​រវាង​ចាស់​និង​ថ្មី។

មិនត្រឹមតែប៉ុណ្ណោះ បើទោះបីជា ផ្ទះរបស់តារាស្រីរូបនេះ នៅមិនទាន់រួចរាល់ទាំងស្រុងក៏ដោយ ប៉ុន្តែ នាងបានបង្ហាញឲ្យឃើញ ពីផ្ទៃខាងមុខផ្ទះដ៏ស្រស់ស្អាត មានសួនច្បារដែលតុបតែងដោយដើមអូលីវ ខណៈដែលខាង​ក្នុង ក៏​ត្រូវ​បាន​តុបតែងតាម​បែប​សាមញ្ញ​ ប៉ុន្តែរំលេចចេញនូវភាពឆើតឆាយ និងមើលទៅគួរឲ្យចង់រស់នៅ ផងដែរ៕ 

ប្រភព៖ Kapook

សូមទស្សនារូបភាពខាងក្រោម៖ 

• រូបភាព
• តារាថៃ